Yuqori xavf guruhiga mansub bemorlarga qanday eslatmalar berilgan?
Xabar berganimizdek, bugun yurtimiz bo‘ylab aholi o‘rtasida tibbiy xatlov o‘tkazilib, fuqarolar salomatlik ko‘rsatkichlari bo‘yicha to‘rt guruhga ajratib olinmoqda.
Avvalroq, Sog‘liqni saqlash vazirligi tomonidan mazkur guruhlarga kiruvchi aholiga alohida eslatmalar tayyorlangani va 1 tayanch guruhi — amaliy sog‘lom shaxslar, 2-past xavf guruhiga mansub fuqarolar hamda 3-o‘rta xavf guruhi kiruvchi bemorlar uchun tavsiyalar e’lon qilingan edi.
Bu gal 4-yuqori xavf guruhi uchun mo‘ljallangan eslatmalar bilan tanishasiz.
Sog‘lom ovqatlanish tamoyillariga amal qiling!
kun davomida har 2 soatda oz-ozdan parhezbop (bug‘da, qaynatib yoki dimlab pishirilgan taomlar) iste’mol qiling;
yog‘li go‘sht, tarkibida mol yog‘i va trans yog‘lar (margarin) bo‘lgan oziq-ovqat mahsulotlarini cheklang;
tarkibida osh tuzi ko‘p bo‘lgan mahsulotlar va tuzlamalarni kamaytiring;
shirinliklar, qand-shakar qo‘shilgan oziq-ovqat mahsulotlarini ozaytiring.
Jismoniy faollik!
♂️ 5-10 daqiqalik ertalabki badantarbiyani xona derazasini ochgan holda bajaring;
kun davomida salomatlik holatingizni inobatga olgan holda (krovatda yotgan, o‘tirgan yoki turgan holatda ) 5-10 daqiqa jismoniy mashqlarni bajaring.
Oilaviy shifokor tomonidan qisqacha profilaktik individual maslahatlar!
kunlik me’yoriy 7-8 soatlik uyqu;
har-xil asabiylashishdan saqlaning, stressdan o‘zingizni asrang;
oila a’zolaringizning iliq munosabatlarini qadrlang.