Attestatsiyadan o‘tish muddatini umra ziyorati sababli ko‘chirish mumkinmi?
@Yurist_Xizmati 4493-savol:
Assalomu alaykum, o‘qituvchiman. Ona tili va adabiyot fanidan attestatsiya sinovi 23.04dan 26.04gacha bo‘lar ekan. Biz 16.04 kuni Umra safariga ketmoqchi edik. Ma'lumki, uzrli sababga ko‘ra (sog‘ligi tufayli) qatnasholmagan o‘qituvchilar, ma'lum muddatdan so‘ng sinovdan o‘tishadi. Savolim: Umra safari ham uzrli sababga kiradimi. Men ham attestatsiya o‘tgach, sinovga qatnasha olamanmi
YURIST JAVOBI:
Oldindan rejalashtirilgan (attestatsiya muddati belgilanmasdan oldin firma bilan shartnoma tuzilgan bo‘lsa) hamda biletlar attestatsiya muddati aniqlanmasdan oldin olingan bo‘lsa, umra ziyorati uzrli sabab deb topilishi mumkin.
Vazirlar Mahkamasining 2021 yil 17 sentabrdagi 572-son qaroriga 1-ilova bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizom 45-bandiga ko‘ra pedagog kadrlar attestatsiyada uzrli sababga (vaqtincha mehnatga qobiliyatsizligi, davlat yoki jamoat vazifalarini bajarganligi, respublika va xalqaro musobaqalarda ishtirok etganligi, vaqtincha xorijiy mamlakatda safarda bo‘lganligi, yaqin qarindoshining vafoti, vakolatli davlat organi yoki ta’lim tashkilotlari rahbarlarining ma’lumotnomasida ko‘rsatilgan boshqa asoslarga) ko‘ra kelmagan bo‘lsa, ularning attestatsiyasi boshqa muddatga ko‘chiriladi.
☝️E’tibor bergan bo‘lsangiz, ushbu sabablar ichida “vaqtincha xorijiy mamlakatda safarda bo‘lganligi” sababi ham keltirilgan.
✅ Shunga ko‘ra sizdagi vaziyatda attestatsiyadan o‘tish muddatini boshqa sanaga ko‘chirish mumkin deb hisoblaymiz.