Logoped markazini ochmoqchiman, qaysi soliq turini tanlasam bo‘ladi?
@Yurist_Xizmati 4446-savol:
Assalomu alaykum. Men bolalar uchun logoped markazi ochmokchi edim. Nutq, aqliy orkada kolgan bolalar bilan shugullanish uchun. Shunda kanday firma ochsam menga tugri va foydali buladi? Solikdan kanday imtiyozlar bor? Kaysi tartibda ruxsatnoma olishim kerak?
YURIST JAVOBI:
✅ Buning uchun sizga MCHJ tashkiliy huquqiy shaklini tavsiya qilamiz.
Yuridik shaxsning bu turini tashkil etish uchun Fuqarolik kodeksi hamda Mas’uliyati cheklangan hamda qo‘shimcha mas’uliyatli jamiyatlar to‘g‘risidagi qonunga muvofiq jamiyat yagona muassis tomonidan tashkil etilganda Ustav hujjati tuziladi va muassis tomonidan tasdiqlanadi. Agar jamiyat 2 dan ortiq muassis tomonidan tashkil etilsa, Ustavga qo‘shimcha Ta’sis shartnomasi tuziladi.
Fuqarolik kodeksining 44-moddasi hamda yuqoridagi qonunning 5-moddasiga asosan MCHJ davlat ro‘yxatidan o‘tkazilgan paytdan e’tiboran yuridik shaxs maqomiga ega bo‘ladi. Buning uchun o‘zingiz my.gov.uz yoki fo.birdarcha.uz sayti orqali onlayn ro‘yxatdan o‘tishingiz mumkin yoki DXMga borgan holda jamiyatni ro‘yxatdan o‘tkazishingiz mumkin.
♂️ Bunda Davlat boji to‘g‘risidagi qonun bilan tasdiqlangan Davlat boji stavkalarining miqdorlari 7-bandiga ko‘ra BXMning 1 baravari miqdorida davlat boji to‘laysiz.
Shundan so‘ng, Litsenziyalash, ruxsat berish va xabardor qilish tartib-taomillari to‘g‘risidagi qonun 3-ilovasiga ko‘ra nodavlat ta’lim xizmatlarini ko‘rsatish sohasidagi faoliyat uchun Ta’lim sifatini nazorat qilish davlat inspeksiyasi (hozirda bu inspeksiya vakolatlari Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi orasida taqsimlanmoqda)dan litsenziya olinadi.
Yuqoridagi harakatlarni amalga oshirganingizdan so‘ng siz faoliyatni boshlashingiz mumkin bo‘ladi. Soliqlar masalasida aniq javob bera olmaymiz.
Xohlasangiz aylanmagan olinadigan soliqni yoki umumbelgilangan soliqlar (foyda, mol-mulk, yer, QQS va boshqalar)ni tanlashingiz mumkin. Aylanmadan olinadigan soliqni tanlasangiz qat’iy belgilangan miqdorda aylanmangizdan (oborot) kelib chiqib soliq to‘laysiz. Ortiqcha soliq hisobotlari topshirmaysiz. Buxgalter ishlashingiz ham shart bo‘lmaydi.
Bu haqida quyidagi post orqali (
https://t.me/soliqnews/10018) to‘liq ma’lumot olishingiz mumkin. Agar siz umumbelgilangan soliqlarni tanlasangiz har bir soliq turi bo‘yicha alohida soliq to‘laysiz va soliq hisobotlarini topshirish majburiyati vujudga keladi.
♂️ Qo‘shimcha o‘rnida faoliyatingizga mos keladigan Ustavni tayyorlab berishimiz mumkinligini ma’lum qilamiz