Kasallikka chalingach, o‘zingizni qanday tutishingizga doir tavsiyalar.
1. Kasallik bilan kurashishga o‘zingiz va faqat o‘zingiz mas’ulsiz. Bu yo‘lda men kuchliman, menga berilayotgan yordamdan to‘liq foydalana olaman degan qarorga keling.
2. Hayot yo‘lingizdagi mushkulotlar, og‘riqli kunlarni unuting, ozor bergan insonlarni kechiring. O‘tgan kunlaringizdan, yaxshilik qilgan, oyog‘ingizdan chalgan insonlardan rozi bo‘ling.
3. Endi o‘zingizni boshqacha nomlang. Kasal, ojiz, o‘lim yo‘lida yashayotgan inson emas, sog‘lom ruhiyatli sog‘ tanani boshqarishga otlangan, kuchli, har kundan zavqlanadigan inson sifatida o‘zingizni kashf qiling.
4. Tana kuchli og‘riqqa chidamaydi, dorilar foyda bermaydi degan fikrlarni, qo‘rquvlarni ichingizdan chiqarib tashlang. Aks holda kasallikka yon bosasiz.
5. Organizmni boshqarish uchun hamma huquqlaringizni jamladingiz, endi tasavvuringizni kengaytiring. Tasavvuringizda tanangizdagi siz uchun dushmanlik qilayotgan hujayralarni toping, ularni ichingizdagi kuchli hujayralar yengayotganini his qiling. Bu yo‘lda dorilar, yaqinlaringizning duolari, shifokorlarning sa’y-harakatlari yordam berayotganini tushuning.
6. Har kuni sog‘lik tomon oldinga bir qadam tashlang. Men sizga ishonaman, siz kuchlisiz!