Maktabni bo‘sh turgan yeriga issiqxona qurish mumkinmi?
@Yurist_Xizmati 4404-savol:
Assolomu alaykum savolim shunday maktabni bush yeri bor shu bush joyga issik xona kurmokchiman maktab ruxsat bersa. Kanday kilib uzok yilga shartnoma kilsam buladi. Buni iloji bormi. Issikxonaga ancha mablag sarflab kursam Xalk talimi vaziri yoki birorta karor bilan kurgan issixonam biror boshka narsa uchun foydalanishga berib yubormasligi uchun. Uzok muddatli shartnoma kila olamanmi
YURIST JAVOBI:
Vazirlar Mahkamasining 2023-yil 14-dekabrdagi 660-son qaroriga 1-ilovada tasdiqlangan Davlat mulkini ijaraga berish tartibi to‘g‘risidagi Nizom 3-bandiga ko‘ra davlat mulkini ijaraga berish jarayoni har qanday jismoniy va yuridik shaxs tashabbusi asosida boshlanishi mumkin.
Bunda tashabbus ko‘rsatuvchi bevosita Markazga yoki davlat mulki joylashgan hududdagi ijaraga beruvchiga:
davlat mulkining tavsifi va joylashgan joyini;
balansda saqlovchini (bunday ma’lumotlarga ega bo‘lgan taqdirda) ko‘rsatgan holda taklifini yozma yoki elektron shaklda taqdim etadi.
✅ Shunga ko‘ra siz ham hududiy Davlat mulki obektlaridan samarali foydalanish markaziga maktab hududidan ijaraga yer olish haqida taklif bilan chiqishingiz kerak.
♂️ Bunda ijaraga beruvchi tomonidan davlat mulkisavdo platformasida o‘tkazilgan elektron onlayn-auksion savdolar orqali ijaraga beriladi. Siz ham auksionda g‘olib bo‘lsangiz, siz bilan ijara shartnomasi tuziladi.
Ijaraga beruvchi bilan ijaraga oluvchi o‘rtasida qonunchilik hujjatlarida belgilangan tartibda o‘tkazilgan onlayn-auksion natijasi bo‘yicha rasmiylashtirilgan bayonnoma asosida tuzilgan ijara shartnomasi elektron shaklda (shu jumladan, elektron raqamli imzo bilan) ikki tomonlama rasmiylashtiriladi. (nizom 40-bandi)