O‘qituvchilar maktablardagi bo‘sh sinfxonalarda pullik repititor kurslari tashkil etishi mumkinmi?
@Yurist_Xizmati 4554-savol:
Assalomu alaykum ! Maktabda tarix-geografiya fanlaridan dars beraman. Ukituvchi ukuv yili davomida darsdan tashkari vaktlarda ukuvchilarni maktabning bush sinfxonalaridan foydalangan xolda pulli repetitorlik kursini tashkil etishga xaklimi ? Shu masalani tartib, koida, karorlar bilan asoslab bersangiz.
YURIST JAVOBI:
❌ Yo‘q, o‘qituvchilari sinflarda o‘zlari mustaqil repitirorlik qila olishmaydi.
✅ Bu vaziyatda siz 2 xil yo‘l tutishingiz mumkin. Yo repititor sifatida shartnoma imzolaysiz yoki shu kursni maktab tashkil etadigan usulni tanlaysiz.
1⃣ Birinchi holatda 3 tomonlama ijara shartnomasini imzolaysiz. Vazirlar Mahkamasining 2009-yil 8-apreldagi 102-son qaroriga ilovada tasdiqlangan Davlat mulkini ijaraga berish tartibi to‘g‘risidagi nizom 17-bandiga ko‘ra Ijara shartnomasi ijaraga beruvchi, ijaraga oluvchi va balansda saqlovchi o‘rtasida tuziladi.
Bunda ijaraga beruvchi — Qoraqalpog‘iston Respublikasi Davlat raqobat qo‘mitasi, O‘zbekiston Respublikasi Davlat raqobat qo‘mitasining viloyatlar va Toshkent shahridagi hududiy boshqarmalari huzuridagi Davlat mulkini ijaraga berish markazlari;
Ijarga oluvchi – repititor ya’ni siz.
Balansda saqlovchi – maktab hisoblanadi.
Maktab o‘ziga operativ boshqaruv huquqi asosida berilgan binodan faqat belgilangan maqsadlardagina foydalanishga haqli. Agar u binoni yoki uning bir qismini ijaraga bersa, unda albatta hududiy ijara markazlari bilan 3 tomonlama shartnoma imzolashi shart.
✅ Birinchi usulda faoliyat yuritish uchun YATT ochishingiz yoki o‘zini o‘zi band qilgan fuqaro sifatida ro‘yxatdan o‘tishingiz mumkin.
2⃣ Ikkinchi usul. Vazirlar Mahkamasining 2019-yil 22-apreldagi 343-son qaroriga ilovada tasdiqlangan O‘zbekiston Respublikasi Xalq ta’limi vazirligi tizimidagi umumiy o‘rta ta’lim muassasalarida pullik ta’lim xizmatlarini ko‘rsatish tartibi to‘g‘risida”gi nizomga maktablarda tashkil etiladigan qo‘shimcha ta’lim berishga qaratilgan pullik ta’lim xizmatlari maktablarning o‘quv dasturlarida nazarda tutilmagan (davlat ta’lim standartlaridan tashqari) mashg‘ulotlar bo‘yicha maktab direktori va o‘quvchilarning ota-onasi yoki ularning o‘rnini bosuvchi shaxslar o‘rtasida tuziladigan shartnoma asosida ko‘rsatiladi.
Shuningdek, nizomning 8-bandiga ko‘ra buyurtmachilar tomonidan kelib tushadigan mablag‘lar (lekin 50 foizidan kam bo‘lmagan miqdori) o‘qituvchilarga haq to‘lashga yo‘naltirilishi mumkin. Bunda qonunchilikda belgilangan soliqlar va yig‘imlar mazkur summadan chegirib olinadi.