NIKOH YOSHIGA YETMASDAN XAM QONUNIY OILA QURISH MUMKINMI ?
⚡️SAVOL;
Nikoh yoshiga yetmasdan qanday qilib qonuniy oila qurish mumkin ?
⚡️JAVOB;
Oila kodeksining 15-moddasiga asosan, nikoh yoshi erkak va ayollar uchun o‘n sakkiz yosh etib belgilangan.
❗️Biroq ushbu moddada;
➖ Uzrli sabablar bo‘lganida, alohida hollarda (homiladorlik, bola tug‘ilishi, voyaga yetmagan shaxsning to‘la muomalaga layoqatli deb e’lon qilinishi (emansipatsiya), nikohga kirishni xohlovchilarning iltimosiga ko‘ra nikoh davlat ro‘yxatidan o‘tkaziladigan joydagi tuman, shahar hokimi nikoh yoshini ko‘pi bilan bir yilga kamaytirishi mumkinligi xam ko‘rsatilgan.
❗️ Demak, nikoh yoshiga to‘lmasdan oila qurmoqchi bo‘lganlarda ikki yo‘l bor:
✅ Birinchisi, shirin hayollar og‘ushida 18 yoshga to‘lishini kutish;
✅ Ikkinchisi esa, o‘zlari yashab kelayotgan tuman yoki shahar hokimining nomiga yozma iltimosnoma kiritish.
✏️ Kiritilgan yozma iltimosnoma qanoatlantirilib, hokimbuva tomonidan nikoh qurish yoshi iltimosnoma kiritganlarga nisbatan bir yilga qisqartirilsa, shundan keyin ular nikoh yoshidan bir yil avval qonunan oila qurishi mumkin. Agar yetarli sabablar mavjud emas deb iltimosnoma rad qilinsa iltimosnoma kiritganlar, — "Hayollar yomon hayollar hayollar yomon, o‘n sakkizga kirmay sevadi ayol ayollar yomon" degan qo‘shiqni eshitib 18 yoshga to‘lishini kutishlariga to‘g‘ri keladi..