Ota-onasiga aliment to‘lashdan bosh tortgan farzand qamoqqa olindi
Majburiy ijro byurosi organlarida, o‘z ota-onasiga aliment to‘laydigan va hattoki uni to‘lashdan bo‘yin tovlaydiganlar ham uchraydi. Fuqarolik ishlari bo‘yicha Rishton tumanlararo sudining ijro varaqasiga asosan qarzdor E.K.dan otasi va onasi S.K. va M.K.larga har oyda 300.000 so‘mdan aliment undirish belgilangan. Biroq, qarzdor 17 oy davomida ota-onasi uchun jami 9.6 mln so‘m alimentni to‘lashdan bosh tortib kelgan.
Byuroning Bag‘dod tumani bo‘limi tomonidan qarzdor E.K.ga nisbatan O‘zR MJtKning 47-5-moddasi 1-qismi bilan hujjatlar to‘plangan va sud qarori bilan unga 15 sutka qamoq jazosi tayinlandi.