Dorixonani puli bor xohlagan odam ocholadimi?
@Yurist_Xizmati 4376-savol:
Assalomu alaykum hurmatli malakali yuristlar jamoasi savolib bor edi.
Bir shaxs savol berib qoldi menga savol farmatseftika sohasini tamomlamagan yoki Oliy tibbiyot yo‘nalishini tamomlamagan shaxs dorixona ya'ni apteka ochib biladimi? Savolni to‘liqroq qilib tushuntiradigan bo‘lsam iqtisodiyot sohasida, yuridik sohada yoki pedagogik sohalarda oliy ma'lumotli shaxs o‘zi dorixona tadbirkorligiga qo‘l urib ochishi mumkinmi apteka ochishga yetarlicha daromadi mablag‘i bo‘lsa. Ayrimlar bo‘lmaydi desa,ayrimlar bo‘ladi mablag‘ bor bo‘lsa faqat, bunda dorixona siz emas boshqa shaxs(farmatseftika yoki tibbiyot yo‘nalishini oliy ta'lim tugatgan) shaxs nomiga ochiladi bunda mablag‘ kirituvchi shaxs dorixonadan foydaning asosiy ulushiga dorixona nomida bo‘lgan tibbiyot sohasi vakiliga esa apteka nomiga ochilganligi uchun unga ham summa to‘lanadi degan ma'noda.Bunday holatda nomiga ochilgan shaxs dorixona o‘z nomida bo‘lsa o‘ziniki bo‘lib qolmaydimi rasman dorixonaga sarmoya kiritgan shaxs yutqizib qolmaydimi? Qonuniy asoslangan va sharhlab tushuntirilgan javob kerak.Yurist xizmati telegram kanali eng ajoyibi.
YURIST JAVOBI:
✅ Dorixonani har qanday shaxs ochishi mumkin.
❗️Faqat qonunchilikda belgilangan litsenziya talablarini bajarishi kerak.
Vazirlar Mahkamasining 2022-yil 21-fevraldagi 80-son qarori bilan tasdiqlangan "Maxsus elektron tizim orqali ayrim faoliyat turlarini litsenziyalash tartibi to‘g‘risida yagona" NIZOMning 29-ilovasi "Dori vositalari va tibbiy buyumlarni chakana realizatsiya qilish faoliyatini litsenziyalash PASPORTI" haqida.
☝️Mazkur hujjatga ko‘ra litsenziya talabgori yuridik shaxs bo‘lishi kerakligi belgilangan. Yuridik shaxs bu O‘z mulkida, xo‘jalik yuritishida yoki operativ boshqaruvida alohida mol-mulkka ega bo‘lgan hamda o‘z majburiyatlari yuzasidan ushbu mol-mulk bilan javob beradigan, o‘z nomidan mulkiy yoki shaxsiy nomulkiy huquqlarga ega bo‘la oladigan va ularni amalga oshira oladigan, majburiyatlarni bajara oladigan, sudda da’vogar va javobgar bo‘la oladigan tashkilotdir.
♂️ Shunday ekan mazkur yuridik shaxs muassisining kasbi nima bo‘lishi qiziq emas. U belgilangan talablarni bajarsa bo‘ldi. Dorixonaning haqiqiy egasi u.
Yuqorida keltirilgan hujjatning g bandiga muvofiq yuridik shaxs shtatida kamida bir xodim — oliy farmatsevtik yoki oliy farmatsevtika ta’lim muassasasida maxsus tayyorlov kursini tugatgan oliy tibbiy ma’lumotga ega bo‘lgan, qonunchilik hujjatlarining aniqlangan buzilishi, shu jumladan, dori vositalari va tibbiy buyumlarning narxini belgilash tartibi qo‘pol buzilganligi oqibatida litsenziyasining amal qilishi bekor bo‘lgan dorixonalarning xodimlari reyestriga kiritilmagan dorixona mudirining mavjudligi talab etiladi.
❗️Shunday ekan yuridik shaxsning egasi farmatsevt bo‘lishi shart emas. Ammo dorixonada savdoni amalga oshiradigan xodimlar farmatsevt bo‘lishi lozim.
♂️ Shunday ekan dorixona egasi, ya’ni yuridik shaxs muassisi foydani farmatsevt xodimlar bilan bo‘lishmaydi, balki ularga faqat maosh to‘laydi holos.
Siz dorixona ochish uchun litsenziya talablarini to‘liq bilmoqchi bo‘lsangiz mazkur hujjat bilan tanishib chiqish tavsiya etiladi