Uyali aloqa antennalari aholi xonadonlaridan qancha uzoqlikda bo‘lishi kerak?
@Yurist_Xizmati 4359-savol:
Salom. Savolim bor. Uyali aloqa kompaniyalarinig antenalari axoli yashaydigan xonodondan qancha uzoqlikda bo‘lishi kerak? Usell antenasi uyimga 20 metr uzoqlikda joylashgan. Menga va bolalarimga zarari yuqmi? Shu haqda ma'lumot bersangiz. Raxmat
YURIST JAVOBI:
Bunday antennalar hokimiyat qayerdan yer ajratsa shu yerga quriladi.
Axborot texnologiyalari va kommunikatsiyalarini rivojlantirish vaziri o‘rinbosari Umidjon A’lamovning ma’lum qilishicha, har bir o‘rnatiladigan aloqa stansiyasining o‘rnatish hududi, uning ishlash salohiyati to‘liq nazorat ostiga olinadi.
Jumladan, me’yoriy hujjatlar asosida, bu antennalarning ishlash quvvati mamlakatda 2,5 mkVt/sm2 dan oshmaydi. Bu jahondagi eng past ko‘rsatkich hisoblanadi. Misol uchun, Isroil davlatida bu ko‘rsatkich 400, AQSH, Skandinaviya mamlakatlarida 100, Rossiya, Qozog‘iston, Tojikiston, Belorussiya, Qirg‘izistonda 10 mkVt/sm² gacha belgilangan. Ya’ni, O‘zbekistonda antennalarning zararli to‘lqin tarqatishi haqidagi isbotini topmagan ilmiy qarashlar ham hisobga olinib, har ehtimolga qarshi ulardan eng past quvvatda foydalanish davlat tomonidan belgilab qo‘yilgan.
Agarda qonunchilikka qaraydigan bo‘lsak. Vazirlar Mahkamasining 2020-yil 22-dekabrdagi 801-son qaroriga 2-ILOVA "Radioelektron vositalarni sotib olish va (yoki) o‘rnatish, xorijdan olib kirish, ekspluatatsiya qilishga ruxsat etish va ulardan foydalanish tartibi to‘g‘risida"gi NIZOMga muvofiq antennani o‘rnatish uchun belgilangan ruxsatnoma olingan bo‘lsa bo‘ldi. Uning aholi uyidan qancha uzoqlikda bo‘lishi belgilanmagan. Xattoki shartnoma asosida aholi uyiga o‘rnatilgan holatlar ham mavjud.