AVTOMOBILGA MONITOR O‘RNATSA BO‘LADIMI?
JAVOB:
Yo‘q, bu taqiqlanadi.
Haydovchiga transport vositasi salonining old qismiga, shu jumladan, priborlar paneliga, quyosh soyaboniga va orqa tomonni ko‘rish ko‘zgusiga (faqat tashqi ko‘rinishni tasvirga oladigan videokamera, navigator, videoregistratorlardan tashqari, agar ular haydovchiga ko‘rinishni cheklamasa) tele, video monitorlar o‘rnatish taqiqlanadi.
Eslatib o‘tamiz. Transport vositasini boshqarish paytida transport vositasi salonining old qismiga ishlab chiqaruvchi korxona tomonidan o‘rnatilgan monitordan (displeydan) tele-, videodasturlarni tomosha qilish uchun foydalanish — bazaviy hisoblash miqdorining bir baravari miqdorida jarima solishga sabab bo‘ladi.
Shuningdek, transport vositasi salonining old qismiga o‘zboshimchalik bilan monitor (displey) o‘rnatish — bazaviy hisoblash miqdorining ikki baravari miqdorida jarima solishga sabab bo‘ladi.