#tungi_tuhfa
Soxta do'stlarim
Sal ko'nglim bo'sh soddaligim bor
To'lgancha yo'q kam-u ko'stlarim.
Ishonganim, suyanganim or
Yaxshi boring soxta do'stlarim.
Arpangizni hech o'rmadim xom
Maydan bo'shab sindi necha jom.
Sizdan qoldi na nishon na nom
Yaxshi boring soxta do'stlarim.
Olmoqdaman hayot darsini
Zanjirbandlab nafs yo'lbarsini.
Ko'kka aytdim ko'nglim arzini
Yaxshi boring soxta do'stlarim.
Ming roziman bergan tuzimga
Bossangiz ham oyoq yuzimga
Anglatdingiz qadrim o'zimga
Yaxshi boring soxta do'stlarim.
Sinovlarda toblandim rosa
Bir yoziqda ming bir xulosa
Shayton sizdan olur andoza
Yaxshi boring soxta do'stlarim.
Allohimning bandasi Ohiy
Telba dunyo xandasi Ohiy
Duodaman tirikman tokiy
Yaxshi boring soxta do'stlarim.