Erkaklar va ayollar boshqa-boshqa tillarda gapiradilar, buni hech sezganmisiz?
Erkak biror narsa oʻylasa, uni ochiqchasiga aytadi. Ayolning aytgan gaplarida esa yashirin maʼno mavjud boʻladi. Aynan mana shu narsa ham ular orasidagi kelishmovchiliklarni gurkiratib yuborishi mumkin.
“Hech qachon menga yordam beray demaysiz” degan gap ayolning ogʻzidan chiqqan paytda uning zamirida “Menga yordam bersangiz hursand boʻlardim” degan gap boʻladi.
♀️ Agar u jumlalar orasida “hech qachon” degan soʻzni koʻp bor qoʻllasa, shu kunga qadar sizning qilgan ishlaringizni unutdi degani emas. Shunchaki, ayollar vaziyatni boʻrttirib koʻrsatishga moyil boʻladilar. Ular gaplari erkakning qalbini yaralashi mumkinligi haqida oʻylab oʻtirishmaydi.
♂️ Agar erkak “Boʻldi, bu mavzuni yopamiz” desa u haqiqatan ham ushbu suhbatga nuqta qoʻyib mavzuni yopmoqchi. Yopilgan mavzu esa erkak tomonidan boshqa hech qachon koʻtarilmaydi.
♀️ Agar ushbu jumla ayol tomonidan aytilgan boʻlsa, bilingki, u shunchaki bahslashishdan charchadi va mavzuni vaqtincha yopmoqchi. Ammo tez kunlarda uni qaytadan muhokama qilish uchun tayyor boʻladi.