QACHON BOLAGA DOʻKONGA KIRGANDA "TANLA" HUQUQINI BERISH KERAK?
Qachon-ki bola ongi buni foydali ravishda amalga oshirishga tayyor boʻlganida.
Xoʻsh, bolani toʻgʻri tanlovga qanday tayyorlash mumkin?
Bolaga narsa-buyumlarning, yegulik va mahsulotlarning foydali va zararlisi, kerakli va keraksizi, mumkin va mumkin boʻlmaganlari va albatta bular nima uchunligi oʻrgatib borilishi kerak.
Agar siz bolaga bular haqida tushuncha bermasdan turib tanlash huquqini bersangiz, buning ikki salbiy oqibati bor.
1. Siz bola tanlagan narsasini olib berasiz. Natijada bolada "men nima desam aytganim boʻladi" tushunchasi rivojlanib, toʻgʻri tanlov darajasiga oʻtolmaydi.
2. Siz bolaga tanlash huquqini berasiz. Bola tanlaydi, lekin siz foydali va foydasizni oʻrgatmaganingiz uchun bolaning tanlovi toʻgʻri boʻlmaydi. Natijada siz tanlovni rad etasiz. Bola yana tanlaydi, tanlovi esa yana toʻgʻri boʻlmasligi mumkin va siz yana rad etasiz. Bu holat bolada "tanlaganim bilan bu ahamiyatsiz" degan fikr shakllanadi va bu fikr uning ruhiyatini egallaydi. Bola toʻgʻri tanlov qila olishiga ishonmaydigan va tanlov qilolmaydigan boʻlib qoladi. Va bu bolaning mustaqil boʻla olishiga toʻsiqdir.