1. O‘tmishda yashovchi orzumandlar.
– Juda ko‘pchilik odamlarning hayotdagi eng katta erishganlari o‘tmishda qolgan. Odatda, bular o‘tmish bilan yashaydigan futbol yulduzlari, kino yulduzlaridir. Ularning eng yaxshi kunlari o‘tmishda qolgan. Bu odamlarning juda katta qismidir. O‘tmishda orzu qiladigan odamlar – hayoti tugagan odamlardir. Ular hayotga qaytishlari uchun orzuni kelajakda yaratishlari kerak.
2. Juda kichik orzuga ega bo‘lgan orzumandlar.
– Bu tipdagi orzumandlar faqat kichkina narsalarni orzu qilishadi va unga erishishlariga aniq amin bo‘lishni istashadi. Bu yerda muammo shundaki, ular orzuga erishishlari mumkinligini bilishadi, lekin unga erishishmaydi. Bunday odamlar siz o‘ylaganingizdan ham ko‘proqni tashkil qiladi.
Ular odatda: Bilasizmi, men buni bir yil oldin qilishim kerak edi, lekin keyin bunga umuman qaytmaganman deyishadi va buni qilmaganliklari uchun o‘zlarini oqlovchi bahonalar topishadi. Bu orzumandlar juda xavflidirlar. Ular xuddi toshbaqalarga o‘xshab, o‘zlarining uyalariga yashirinib olganlaricha yashaydilar. Agar siz ularning zirhini teshib o‘tib unga ularga nish sanchsangiz, ular bunga javoban sizni kuchli chaqib olishlari mumkin. Ko‘pchilik holatlarda ular hech nimaga intilishmaydi va ularga shundog‘** yaxshi.
3. Orzulariga allaqachon erishgan va yangi orzularga ega bo‘lmagan orzumandlar.
– Bundan yigirma yil oldin men injener bo‘lishni orzu qilgandim va bu orzuyim ushaldi ham. Lekin hozirda bu mening jonimga tekkan. Orzuyimga erishdim, lekin nimanidir qo‘ldan chiqarganga o‘xshayman. Zerikish – bu yangi orzu uchun vaqt kelganini bildiruvchi belgidir.
4. Katta orzusi boru, lekin uni amalga oshirish bo‘yicha rejasi yo‘q orzumandlar hech narsaga erishishmaydi.
– Odatda, bunday odamlar: “Men yangi sahifani ochyapman” yoki “Men ... uchun ko‘proq ishlashga tayyorlanyapman” yoki “Mening ko‘nikmalarim kerak bo‘ladigan bitta kompaniya haqida eshitib qoldim. Bu men uchun omad keltirishi mumkin” – deyishadi. Bunday odamlar orzu qilishda davom etishlari, ushbu orzularini amalga oshirishga yordam beradigan rejani va jamoani qidirishlari kerak.
5. Katta orzularga ega bo‘lgan va yana kattaroq narsani orzu qiluvchi orzumandlar.
– O‘ylashimcha juda ko‘pchilik aynan mana shu kategoriyadagi odam bo‘lishni istagan bo‘lar edi. Juda bo‘lmaganda men o‘zim shunday bo‘lishni istayman. Biznes katta orzu qilishni va unga erishishni rag‘batlantiradi.
Men ko‘pchilik hollarda boshqalarning orzularini o‘ldiradigan odamlarga duch kelaman. Buni bilib qo‘ying va, odatda, sizning orzularingizni o‘g‘irlaydigan bu odamlar aynan sizning yaqinlaringiz bo‘ladi. O‘z orzuingizni himoya qilishingiz, u uchun kurashishingiz kerak bo‘ladi.
Muallif: M. Masharipov
