Question

Bolam uchun  asra  meni

Jonim og‘rib, bo‘lib betob,
O‘lim xayol, oldi shu tob.
Yo Allohim, Yaratgan Rob,
Bolam uchun asra meni!

Ajal yelday yelar ekan,
Ba’zan zumda kelar ekan.
Banda ojiz qolar ekan,
Bolam uchun asra meni!

O‘lsam mensiz ular netar?,
Dardni ravo ko‘rma yetar.
Keltirmagin bevaqt xatar,
Bolam uchun asra meni!

Yuragimni muzlatmagin,
Bevaqt o‘lim uzlatmagin.
Bolalarim bo‘zlatmagin,
Ular uchun asra meni!

Yana bir oz bergin imkon,
Asrab turgin omonat jon.
Raxm ayla jon Xudojon,
Bolam uchun asra meni!

Uzay gunoh qarzlarimni,
Qilay savob,farzlarimni.
Eshitib sen arzlarimni,
Shular uchun asra meni!