Question

Voyaga yetmagan shaxsni to‘la muomalaga layoqatli deb e’lon qilish tartibi belgilandi
 
Hukumat qarori (380-son, 13.07.2026 y.) bilan “Voyaga yetmagan shaxsni to‘la muomalaga layoqatli deb e’lon qilish (emansipatsiya) bo‘yicha davlat xizmatini ko‘rsatish”ning ma’muriy reglamenti tasdiqlandi.
 
 Ushbu Ma’muriy reglament (Reglament) voyaga yetmagan shaxsni to‘la muomalaga layoqatli deb e’lon qilish ( emansipatsiya) bo‘yicha davlat xizmatini ko‘rsatish tartibini belgilaydi.
 
✅ Reglamentga ko‘ra, ariza beruvchi quyidagilardan biri orqali davlat xizmatidan foydalanishi mumkin:
 
 Davlat xizmatlari markaziga bevosita borib;
 “Inson” markazlari (vakolatli organ) yoki ijtimoiy xodim orqali;
 YAIDXP (my.gov.uz) orqali.
 
 Vakolatli organ ariza beruvchini quyidagi shartlar mavjud bo‘lganda, to‘la muomalaga layoqatli deb e’lon qilish to‘g‘risidagi qarorni rasmiylashtiradi:
 
 ariza beruvchi psixologik jihatdan yetuk bo‘lganda va o‘z xatti-harakatlarining oqibatini anglaganda;
 
 tadbirkorlik yoki mehnat faoliyati bilan kamida 3 oydan buyon uzluksiz shug‘ullanib kelayotganda;
 
 ariza beruvchining o‘quv fanlarini o‘zlashtirishi va davomati bo‘yicha ijobiy ma’lumot mavjud bo‘lganda.
 
 Ariza beruvchini to‘la muomalaga layoqatli deb e’lon qilish to‘g‘risida qaror qabul qilinganda, ushbu ma’lumotlar avtomatik ravishda Emansipatsiya qilingan shaxslar reyestriga kiritiladi.

Kanalga ulanish
https://t.me/huquqiyaxborot