Qo‘shni binosiga ochilgan deraza va yer chegarasining noqonuniy o‘zgartirilishi bo‘yicha qayerga murojaat qilish kerak?
@Yurist_Xizmati 5686-savol:
Assalomu alaykum! Meni. Savolim shundan iboratki bizning uyimiz 1970 yilda kurilgan bulib xozirda avarinni xolatda 1986 yillari bizni uyimiz yonidan maiyishiy xizmat uyi kurilgan edi va Bir necha yillar ishlamay yotgan edi va 2023 yil Bir tarbirkor ishlarib boshladi odin kurilgan payt biz tamonga deraza ochilib keyin. Tunika Bilan berkitib tashlangan edi va Uni 2023 yili ochib kuydi va maiyishiy uyini dokumenti da sport xona kilib olib xozirda yashab yotibdi va utgan yil Uy egasi uz uyimiz oldida uynab yurgan bolarimni sukib derazani ochib bezovta kilgan keyin men Usha derazani yopish maksatida uz chegaramdan devol kutarmokchi edim menga karshilik kilib olgan keyin bilsam 2023 yil uz rayon kadastr xodimlari bizni joyimizdan 1.5 metr joyni Uni nomiga kadastr kilib bergan Uy otamni nomida xaliyam otam 2009 yili vafot etgan kadastr xodimlaridan surasak shtang Rozi bulib podpis kuygan deydi biz shunga kanday chora kursak buladi xozir u maiyishiy xizmat uyida yashab yuribdi
Shunga uz rayonimiz kadastr arextextura xam menga Karshi kimga Kanaka murojat kilsam buladi
Usha maiyishiy xizmat uyida orka tamonidan mini stadion kurilgan ularga xam kushnilar roziligi joyiga vafot etgan otam nomidan potpis kuyilgan va Yana 2 kushnimiz nomidan xam potpis kuyilgan xammasi dokumenti lar notugri kimga Kanaka murojat kilsam buladi
YURIST JAVOBI:
Noturar joy deb qayd etilgan bo‘lsa, undan doimiy turar joy sifatida foydalanish uchun obyektning ixtisoslashishini belgilangan tartibda o‘zgartirish talab etiladi.
Shu masala yuzasidan tuman yoki viloyat Qurilish va uy-joy kommunal xo‘jaligi sohasida hududiy nazorat inspeksiyasiga yozma murojaat qilib:
· obyektning amaldagi kadastr vazifasini;
· uni turar joyga o‘zgartirish uchun ruxsatnoma bor-yo‘qligini;
· deraza ochish va rekonstruksiya ishlari loyihaga muvofiqligini;
· mini-stadion qurilishi qonuniyligini joyiga chiqib tekshirishni talab qiling.
Vazirlar Mahkamasining 200-son qarori binoning tashqi ko‘rinishini o‘zgartirish, ixtisoslashishini o‘zgartirish, rekonstruksiya qilish va foydalanishga qabul qilish bo‘yicha davlat xizmatlari Davlat xizmatlari markazi yoki YAIDXP orqali amalga oshirilishini nazarda tutadi.
❓Qaysi tartibda harakat qilish kerak?
Eng to‘g‘ri ketma-ketlik quyidagicha:
1️⃣Birinchidan, notarius orqali otangizdan qolgan uy va yerga nisbatan meros huquqini rasmiylashtirish chorasini ko‘ring.
2️⃣Ikkinchidan, kadastr bo‘limidan 2023 yilgi kadastr o‘zgarishiga asos bo‘lgan barcha hujjatlarni oling.
3️⃣Uchinchidan, soxta imzolar bo‘yicha prokuratura yoki ichki ishlar organiga jinoyat haqida ariza bering.
4️⃣To‘rtinchidan, viloyat Kadastr agentligi boshqarmasiga xizmat tekshiruvi o‘tkazish, chegarani qayta o‘lchash va noqonuniy ma’lumotlarni bekor qilish to‘g‘risida shikoyat qiling.
5️⃣Beshinchidan, qurilish nazorati inspeksiyasiga obyektning ixtisoslashuvi, ochilgan deraza va mini-stadionning qonuniyligini tekshirishni so‘rab murojaat qiling.
❗️Natija bo‘lmasa, ma’muriy sudga kadastr hujjatlarini bekor qilish haqida, fuqarolik sudiga esa derazani yoptirish, to‘sqinliklarni bartaraf etish va yer chegarasini tiklash haqida da’vo kiritish mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati