Asossiz oylikdan kesishsa, qayerga murojaat qilish kerak?
@Yurist_Xizmati 4562-savol:
Assalomu aleykum, asossiz oyligdan kesishsa kayerga murojaat kilish mumkun?
YURIST JAVOBI:
❌ Xodimning roziligisiz uning ish haqidan ushlab qolish umumiy qoida bo‘yicha mumkin emas. Bu Mehnat kodeksining 269-moddasida mustahkamlab qo‘yilgan.
❗️Lekin ushbu moddaning ikkinchi qismida nazarda tutilgan asoslarda xodimning roziligisiz ham uning ish haqidan ushlab qolishga yo‘l qo‘yiladi. Bu haqida quyidagi havola orqali tanishib chiqishingiz mumkin.
Agar sizdagi holatda xodimning roziligisiz, uning ish haqidan ushlab qolish yuqoridagi asoslardan biriga mos kelmasa, bunday holat ish beruvchiga ma’muriy jazo qo‘llashga sabab bo‘ladi.
♂️ Bunda Ma’muriy javobgarlik to‘g‘risidagi kodeks 49-moddasiga ko‘ra ish beruvchining bunday harakatlari bazaviy hisoblash miqdorining 5 baravaridan 10 baravarigacha miqdorda jarima solishga sabab bo‘ladi.
❗️Ushbu vaziyatda tuman adliya bo‘limiga murojaat qilishni tavsiya qilamiz.