Otalikni belgilashda MFY ma’lumotnomasi qanday mazmunda bo‘lishi kerak?
@Yurist_Xizmati 5680-savol:
Assalomu alaykum. Turmush urtogim 6 oy oldin vafot etganlar. Konuniy nikoxdan utib ulgurmadik. 2 farzandimga otalikni belgilash tartibiga kura, sudga takdim etiladigan xujjatlar ichida MFY tomonidan berilgan ma’lumotnoma bulishi kerak ekan. Shu ma’lumotnoma mazmuni xakida tushuncha berolasizmi, yeki ma’lumotnomadan namuna kursatib bering. Kanday tartibda ma’lumotnoma yezdirishim kerak
YURIST JAVOBI:
Sizning holatingizda turmush o‘rtog‘ingiz vafot etganligi sababli otalik sud tartibida belgilanadi.
♂️ Aytish kerakki, Oila kodeksining 62-moddasi hamda O‘zbekiston Respublikasi Oliy sudi Plenumining 2011-yil 25-noyabrdagi 8-son "Sudlar tomonidan otalikni belgilashga oid ishlarni ko‘rishda qonunchilikning qo‘llanilishi to‘g‘risida"gi qarorida mahalla fuqarolar yig‘ini (MFY) tomonidan ma’lumotnoma taqdim etilishi nazarda tutilmagan.
❗️Biroq, Oila kodeksining 62-moddasi uchinchi qismiga hamda Plenum qarorining 7–10-bandlariga ko‘ra, sud quyidagi holatlarni tasdiqlovchi dalillarni baholaydi:
• bolaning ota-onasi bola tug‘ilishidan oldin birga yashaganligi va umumiy ro‘zg‘or yuritganligi;
• bolani birgalikda tarbiyalaganligi yoki moddiy ta’minlaganligi;
• marhumning o‘zini bolaning otasi deb tan olganligini tasdiqlovchi boshqa dalillar (fotosuratlar, yozishmalar, guvohlarning ko‘rsatmalari va boshqalar).
Shu sababli, sudlar MFY ma’lumotnomasi odatda birga yashaganlik va umumiy ro‘zg‘or yuritganlik holatini tasdiqlovchi qo‘shimcha dalil sifatida olinadi.
Ma’lumotnoma taxminan quyidagi mazmunda bo‘lishi mumkin:
MA’LUMOTNOMA
Ushbu ma’lumotnoma shuni tasdiqlash uchun berildiki, fuqaro --------------- va fuqaro ---------- ------------ yildan ------------ yilgacha -------------- manzilda birga yashab, umumiy ro‘zg‘or yuritgan. Mahalla faollari va qo‘shnilarning ma’lumotlariga ko‘ra, ular oila sifatida yashagan hamda birgalikda farzandlarini tarbiyalagan.
Mazkur ma’lumotnoma sudga taqdim etish uchun berildi.
Albatta, ma’lumotnomadagi axborotlar haqiqatga mos bo‘lishi va MFY tomonidan mavjud faktlar asosida rasmiylashtirilishi lozim.
Amaliyotda esa bunday ma’lumotnoma bilan bir qatorda birga tushgan fotosuratlar, yozishmalar, qo‘shnilarning guvohliklari va boshqa dalillar ham taqdim etilsa, otalikni belgilash haqidagi talabni isbotlash imkoniyati ancha yuqori bo‘ladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati