Maktablarda pullik xizmatlardan o‘qituvchilarga haq to‘lanadimi?
@Yurist_Xizmati 5586-savol:
Xabaringiz bulsa maktablarda bosh vazirning 243 karori bilan ukituvchilarga pullik xizmatlardan xak tulanadi kushimcha darslar uchun va bu yerda maktab direktori ukuv ishlari buyicha direktor urinbosari xamda buxgalter uchunxam oylik tushgan tushumlardan foiz mikdorida tulanadi konuniy taksimoti va kimlar oylik olishi mumkin shu masalada javob bersangiz maksadga muvofik bular edi
YURIST JAVOBI:
Vazirlar Mahkamasining 2019-yil 22-apreldagi 343-son qaroriga ilovada tasdiqlangan O‘zbekiston Respublikasi Xalq ta’limi vazirligi tizimidagi umumiy o‘rta ta’lim muassasalarida pullik ta’lim xizmatlarini ko‘rsatish tartibi to‘g‘risida”gi nizomga maktablarda tashkil etiladigan qo‘shimcha ta’lim berishga qaratilgan pullik ta’lim xizmatlari maktablarning o‘quv dasturlarida nazarda tutilmagan (davlat ta’lim standartlaridan tashqari) mashg‘ulotlar bo‘yicha maktab direktori va o‘quvchilarning ota-onasi yoki ularning o‘rnini bosuvchi shaxslar o‘rtasida tuziladigan shartnoma asosida ko‘rsatiladi.
Shuningdek, nizomning 8-bandiga ko‘ra buyurtmachilar tomonidan kelib tushadigan mablag‘lar (lekin 50 foizidan kam bo‘lmagan miqdori) o‘qituvchilarga haq to‘lashga yo‘naltirilishi mumkin.
❗️Shunday ekan, maktabda o‘qituvchilar tomonidan tashkil etilgan qo‘shimcha pullik xizmat uchun to‘lanadigan haqning kamida 50 foizi o‘qituvchilarga to‘lanishi kerak.
Endi qarang! Vazirlar Mahkamasining 2021-yil 27-apreldagi 243-son qaroriga 1-ilovada tasdiqlangan Xalq ta’limi tizimidagi muassasa va tashkilotlarning budjetdan tashqari jamg‘armalari mablag‘larini shakllantirish va ulardan foydalanish tartibi to‘g‘risidagi Nizom 4-bandiga ko‘ra jamg‘arma mablag‘lari tasdiqlangan daromadlar va xarajatlar rejasida nazarda tutilgan maqsadlar uchun moliyalashtiriladi.
Bunda umumta’lim muassasasining Kuzatuv kengashi daromadlar va xarajatlar rejasini ko‘rib chiqib, roziligini beradi.
Shunga ko‘ra budjetdan tashqari jamg‘arma mablag‘lari hisobidan maktab rahbarlari va maktabga xizmat ko‘rsatadigan buxgalterni rag‘batlantirish tartibi va miqdori yuqoridagi tartibda Kuzatuv kengashi tomonidan tasdiqlanishi kerak.
♂️ Aytish kerakki, yuqoridagi qarorlarda aniq miqdorlar belgilanmagan. Fuqarolik kodeksining 180-moddasi ikkinchi qismiga binoan agar ta’sis hujjatlariga muvofiq muassasaga daromad keltiradigan faoliyat bilan shug‘ullanish huquqi berilgan bo‘lsa, bunday faoliyatdan olingan daromad va bu daromad hisobidan sotib olingan mol-mulk muassasaning mustaqil tasarrufiga o‘tadi va alohida balansda hisobga olinadi.
✅Aynan shu qoidaga ko‘ra Kuzatuv kengashi bilan smeta tasdiqlanganda rag‘batlantirish miqdorlarini mustaqil belgilash mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati