Question

ISSIQ SOVUQ QILUVCHI FOLBINLARGA CHORA BORMI?

Qarang opa, insonlarning muvaffaqiyatsizligidan, iztiroblaridan foydalanish, har bir inson hayotida uchraydigan muammolarga yechimni osongina topib berishni aytib uydirma to‘qiyotganlar umid chirog‘ini yoqish orqali odamlarda ishonch uyg‘otadi va shu orqali mo‘maygina pul ishlashadi. Ojiz yoki e’tiqodi sust insonlar esa ularga qatnashni kanda qilmaydi.
Maslaxatim: pulni bergan xududdagi IIOga ariza bilan murojaat qiling. Mazkur vaziyat Jinoyat kodeksining 168-moddasi bilan malakalanadi. Ya’ni firibgarlik, ya’ni aldash yoki ishonchni suiiste’mol qilish yo‘li bilan o‘zganing mulkini yoki o‘zganing mulkiga bo‘lgan huquqni qo‘lga kiritish-bazaviy hisoblash miqdorining ellik baravaridan yuz baravarigacha miqdorda jarima yoki ikki yilgacha axloq tuzatish ishlari yoki bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
Firibgarlik:
a) ancha miqdorda;
b) bir guruh shaxslar tomonidan oldindan til biriktirib sodir etilgan bo‘lsa, —bazaviy hisoblash miqdorining yuz baravaridan uch yuz baravarigacha miqdorda jarima yoki uch yilgacha axloq tuzatish ishlari yoki uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.

Murojaat uchun:
@advokat24uzbot

Bizning kanal:
@advokat24uz