Janjalda ish yopilgandan keyin ham jabrlanuvchi yana qayta davo qilishi mumkinmi?
@Yurist_Xizmati 5520-savol:
Assalomu aleykum, sentabr oyida turmush ortogim qoshni ayol bilan urishib qolib orada bir shapaloq urgan ayol yuziga. Ayolni yuzi kokarib ishib ketgan bolnitsaga yotib chiqdi. Shu kuni ariza yozgan ekan keyin Erim gaplashib kelishib olgandi. Boldi meni davoyim yoq degandi. Lekin ish yopilmagan ekan. 2 3 kun boldi turmush ortogimni tergovga chaqirishdi. Aytishicha 109-modda bilan ekan. Ayol arizaga 30mln lik tillam urish paytida tushib qolgan deb yozibdi. Lekin yolgon tilla haqida endi eshityapmiz. Ayol bilan yarashib ishni shuyerda yopmoqchi bolgandi tillani pulini tolasa keyin arizasini qaytib olishini aytdi. Lekin bizda uncha pul yoq. Agar davogar arizasini qaytib olmasa turmush ortogim sudlanishi mumkinmi? Sudlanmasligi uchun qanday yol tutsak boladi
YURIST JAVOBI:
Turmush o‘rtog‘ingiz u shaxsni urganligini isbotlovchi dalillar bilan isbotlansa javobgarlikka tortiladi.
Agar turmush o‘rtog‘ingiz sodir qilgan huquqbuzarlik ayolning sog‘ligining qisqa muddat yomonlashuviga yoki mehnat qobiliyatini uncha ko‘p davom etmaydigan turg‘un tarzda yo‘qotishga olib kelmagan bo‘lsa, Ma’muriy javobgarlik kodeksining 52- modda 2-qismi bo‘yicha:
➖ BHMning 2 baravaridan 4 baravarigacha miqdorda jarimaga sabab bo‘ladi. (Hozir BHM - 412 000 so‘m)
Endi 2-variantni ko‘rib chiqamiz. Agar ayolning sog‘ligi 6 kundan ortiq ammo yigirma bir kundan ko‘p bo‘lmagan muddatga yomonlashuviga yoki umumiy mehnat qobiliyatining uncha uzoq bo‘lmagan muddatga yo‘qotilishiga sabab bo‘lgan qasddan badanga yengil shikast yetkazish Jinoyat kodeksi 109-moddasi bo‘yicha:
➖ bazaviy hisoblash miqdorining yigirma besh baravaridan ellik baravarigacha miqdorda jarima;
➖ yoki ikki yilgacha axloq tuzatish ishlari;
➖ yoxud bir yilgacha ozodlikni cheklash yoki bir yilgacha ozodlikdan mahrum qilish bilan jazolanadi.
Bundan tashqari mazkur shaxs yolg‘on ma’lumot asosida (tillam bor edi deb) mulkiy manfaat orttirmoqchi bo‘lganligi sababli Jinoyat kodeksi 165-moddasiga ko‘ra uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
✅ Shunday ekan, sizdagi holatda turmush o‘rtog‘ingizga yuqoridagi jazo choralaridan biri qo‘llanilishi mumkin.
Biroq o‘sha ayolning harakatlarida ham huquqbuzarlik alomatlari mavjud. Haqiqatda ham ayolning bo‘ynida tilla taqinchoq mavjud emasligi isbotlansa, unda ayolga nisbatan ham javobgarlik chorasi qo‘llanilishi mumkin.
❗️Bu vaziyatda sizlar ham ariza bilan IIBga murojaat qilishingiz lozim.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati