Aliment undirishda nogironlik nafaqasi ham hisobga olinadimi?
@Yurist_Xizmati 5532-savol:
Uglim maktabda ukituvchi bulib ishlaydi. Ikkinchi gurux nogironi. Bitta bola bilan birinchi turmushidan ajrashgan. Xozirda ikki nafar farzandi bilan ikkinchi turmushi bor. Oyligidan aliment tulaydi. Nogironlik nafakasidan xam alIment olish mumkinmi.
YURIST JAVOBI:
Oila kodeksining 96-moddasida har bir ota-ona o‘zining voyaga yetmagan farzandi uchun aliment to‘lashi shart ekanligi belgilangan.
♂️Mana shu qoidalarga ko‘ra ota aliment to‘lashdan bosh torta olmaydi. Bolaning manfaatlari uchun ota-onadan aliment undirishda ularning ish joyiga egaligi ahamiyatga ega emas.
Oila kodeksining 99-moddasiga binoan aliment to‘lovi agarda ota ona o‘rtasida alohida kelishuv mavjud bo‘lmasa sud tomonidan bolalar soniga qarab belgilanadi.
Ular quyidagicha:
ota-onaning har oydagi ish haqi va (yoki) boshqa daromadining:
• bir bola uchun — to‘rtdan bir qismi;
• ikki bola uchun — uchdan bir qismi;
• uch va undan ortiq bola uchun — yarmisi miqdorida undiriladi.
♂️ Bunda har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak.
Mazkur qoidaga e’tibor bergan bo‘lsangiz, unda aliment miqdori aliment to‘lovchining “ish haqi va boshqa daromadlari” hisobidan undirilishi belgilangan.
❗️Bunda Soliq kodeksining 371 – 377-moddalari mazmuniga ko‘ra nogironlik nafaqasi ham shaxsning daromadlari sifatida belgilangan, shu sababli aliment undirishda mazkur daromad ham hisobga olinadi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati