Ish haqimni singlimning uyiga to‘lov sifatida o‘tkazishim mumkinmi?
@Yurist_Xizmati 5428-savol:
Assalomu alaykum men davlat ishida ishlayman. Oyligimni to‘liq hammasini mehnat kodeksining 271-moddasiga asosan singlimni uyini to‘loviga oyligimni to‘liq hammasini o‘tkazishga haqqim bormi? Buning uchun rahbar nomiga ariza yozib oyligimni to‘liq singlimni uyini to‘loviga hisob raqamiga o‘ykazsam bo‘ladimi? Bugalteriya oyligimni kartamga emas singlimni uyini to‘loviga o‘tkazishi uchun mehnat kodeksining 271-moddasi asos bo‘ladimi? Kechirasiz uyni kadastri yoq ekan hali singlimni nomiga o‘tmagan ekan shunda ham hisob raqamga o‘tkazsa bo‘ladimi oyligimni.
YURIST JAVOBI:
Mehnat kodeksining 271-moddasida xodimning ish haqini o‘z xohishiga ko‘ra tasarruf etish huquqi belgilangan.
Mazkur moddaning birinchi qismiga ko‘ra, xodimning yozma arizasiga asosan ish haqi yoki uning ma’lum qismi xodim ko‘rsatgan shaxslar yoki tashkilotlar foydasiga, u belgilagan miqdorlarda va muddatlarda to‘lovlarni amalga oshirish uchun yo‘naltirilishi mumkin.
Mazkur norma xodimning ish haqini faqat o‘zi nomidan rasmiylashtirilgan kreditlar yoki qarz majburiyatlariga emas, balki boshqa xarajatlar, jumladan, oila a’zolarining to‘lovlari uchun ham o‘tkazishga ruxsat berishini ko‘rsatadi.
✅ Demak, xodim o‘z xohishiga ko‘ra ish haqini singlisining uy-joy to‘lovi uchun ham yo‘naltirishi mumkin. Normada bunday to‘lov faqat xodimning o‘z nomida bo‘lishi kerakligi haqidagi cheklov mavjud emas.
Shuningdek, Mehnat kodeksining 270-moddasida ish haqidan ushlab qolish miqdori 50 foizdan oshmasligi belgilangan bo‘lsa-da, 271-modda to‘g‘ridan to‘g‘ri ushbu cheklovlar mazkur modda amaliyotiga nisbatan tatbiq etilmasligini ko‘rsatadi. Ya’ni, xodimning o‘z xohishiga ko‘ra berilgan yozma arizasi asosida ish haqining 100 foizigacha bo‘lgan qismi uchinchi shaxsning to‘loviga yo‘naltirilishi mumkin.
❗️Demak, sizning holatingizda rahbar nomiga yozma ariza topshirgan holda ish haqingizning to‘liq miqdorini singlingiz uyining har oylik to‘loviga o‘tkazishni so‘rashingiz qonuniy hisoblanadi. Bugalteriya xizmati sizning yozma arizangiz asosida to‘lovni siz ko‘rsatgan hisob raqamiga o‘tkazishga majbur.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati