Bayram kunlari va sherigi o‘rnida turadigan qorovullarga oylik ish haqi qanday to‘lanadi?
@Yurist_Xizmati 5495-savol:
Assalomu alaykum maktabda ishlaydigan korovullarga agar bayram kunlari tungi korovullikka tursa xamda sherigi mexnat taʼtilida bulib urnida ishlasa oylik ish xaki kanday tulanadi oldindan raxmat
YURIST JAVOBI:
Mehnat kodeksi 243-moddasiga ko‘ra Mehnatga haq toʻlash ish beruvchi tomonidan xodimga uning mehnati uchun toʻlovlar belgilash va ularni amalga oshirish yuzasidan mehnat shartnomasi taraflari oʻrtasidagi mehnat toʻgʻrisidagi qonunchilik, mehnat haqidagi boshqa huquqiy hujjatlar va mehnat shartnomasi bilan tartibga solingan munosabatlar tizimidir. Maktabda ishlovchi qorovullar mehnatiga haq to‘lash vaqtbay (soatbay) tizim asosida amalga oshiriladi.
Agar Siz bayram kunlari, shu jumladan tun vaqtida qorovullik qilgan bo‘lsangiz, O‘zbekiston Respublikasi Mehnat kodeksining 263-moddasi 1-qismiga muvofiq, ishlanmaydigan bayram kunlaridagi ish uchun kamida ikki hissa miqdorida ish haqi to‘lanishi shart.
Ya’ni:
- soatbay haq oladigan qorovullarga — har bir ishlagan soati uchun odatdagi soatbay stavkaning kamida 2 baravari miqdorida haq to‘lanadi;
- agar xodim oylik maosh asosida ishlasa, bayram kuni ishlagan har bir soati (yoki kuni) uchun oylik maoshdan tashqari qo‘shimcha haq to‘lanadi.
Sherigingiz mehnat ta’tilida bo‘lib, Siz uning o‘rnida ishlagan bo‘lsangiz, Mehnat kodeksining 259-moddasi 2-qismiga asosan:
agar Siz shtat jadvalida shu lavozimni almashtirish uchun belgilangan xodim bo‘lsangiz va asosiy ishingizdan ozod etilmagan holda ishlagan bo‘lsangiz, bu holat uchun qo‘shimcha to‘lov amalga oshirilmaydi.
❗ Xulosa qilib aytganda:
A) bayram kuni va tun vaqtida ishlaganingiz uchun — ikki baravar ish haqi to‘lanadi;
B) sherigingiz o‘rnida ishlaganingiz uchun esa, agar Siz uning doimiy o‘rnini bosuvchi bo‘lsangiz — alohida qo‘shimcha haq berilmaydi.
✉️ Yuristga savol yuborish
Rasmiy kanalimiz
@Yurist_Xizmati