Vrach xodimlarga 6 razryad haq to‘lanishi to‘g‘rimi?
@Yurist_Xizmati 5465-savol-
Men 2022 yildan beri Respuplika tez tibbiy yordam toshkent viloyati filialida ishlab kelaman. Oldin o‘rindosh shifokor edim 01.04.2025 dan beri asosiy shifokor bo‘lib ishlab kelmoqdaman. O‘zbekiston
Respublikasi Vazirlar Maxkamasining 2006-yil 20-iyuldagi 144-son
Qarori taxririda—O‘zbekiston Respublikasi qonun xujjatlari to‘plami, 2006-yil 28-29-son, 274-modda Vrach xodimlar uchun belgilangan tarif Setkasiga asosan 7 razryadda xaq to‘lanishi kerak edi, vaxolanki 6 razryadda
xaq to‘lab kelinmoqda. Kam to‘langan haq uchun ulardan undirib olmoqchiman
YURIST JAVOBI:
Vazirlar Mahkamasining 2005 yil 21 dekabrdagi 276-son qaroriga 2-ilovada tasdiqlangan O‘zbekiston Respublikasi davlat muassasalari tibbiyot va farmasevtika xodimlari mehnatiga haq to‘lash tartibi va shartlari to‘g‘risidagi Nizom 10-bandida vrach xodimlar uchun tarif setkasi bo‘yicha quyidagi razryadlar belgilanadi:
1. Mutaxassis vrach:
— toifasiz 6 Razryad
— II toifa 7 Razryad
— I toifa 8 Razryad
— oliy toifa 9 Razryad
2. Bemorlarni operatsiya qiladigan barcha nomlardagi vrach-xirurg; tezkor faoliyatni ta’minlaydigan va reanimatsiya chora-tadbirlarini amalga oshiradigan anesteziolog-reanimatolog vrach; davolash tadbirlarini amalga oshiradigan endoskopist vrach; tez tibbiy yordam ko‘chma brigadasi mutaxassis vrachi; umumiy amaliyot vrachi:
— toifasiz 7 Razryad
— II toifa 8 Razryad
— I toifa 9 Razryad
— oliy toifa 10 Razryad.
Savolda Respuplika tez tibbiy yordam toshkent viloyati filialida ishlashingiz yozilgan. Agar siz tez tibbiy yordam ko‘chma brigadasi mutaxassis vrachi yoki umumiy amaliyot vrachi lavozimida ishlasangiz, unda sizga toifasiz holatda 7 Razryad bilan haq to‘lash kerak. Agar siz yuqoridagi ro‘yxatning 2-bandida nazarda tutilgan lavozimlarda ishlamasangiz, sizga 6 Razryad bo‘yicha haq to‘lanadi.
✅ Bu holatda siz 7 Razryad bo‘yicha haq oladigan toifada ishlasangiz, ikki Razryad o‘rtasidagi farqni undirib olishingiz mumkin.
Mehnat kodeksining 319-moddasiga binoan xodimga ish haqi to‘lash va unga to‘lanishi lozim bo‘lgan boshqa to‘lovlar kechiktirilganda yetkazilgan zarar ish beruvchi tomonidan qoplanishi shart.
Bu holatda siz kechiktirilgan har bir kun uchun kompensatsiya olishingiz mumkin. Ushbu kodeks 333-moddasiga ko‘ra Ish beruvchi ish haqini, ta’til to‘lovlarini, mehnat shartnomasi bekor qilingandagi to‘lovlarni va (yoki) xodimga to‘lanishi lozim bo‘lgan boshqa to‘lovlarni to‘lash muddatini buzgan taqdirda, ularni to‘lov muddatidan keyingi kundan e’tiboran to haqiqatda hisob-kitob qilingan kunni o‘z ichiga olgan muddatgacha har bir kechiktirilgan kun uchun O‘zbekiston Respublikasi Markaziy bankining o‘sha vaqtda amalda bo‘lgan qayta moliyalashtirish stavkasidan kelib chiqqan holda foizlar (pulli kompensatsiya) bilan birga to‘lashi shart.
♂️ Bunda xodimga to‘lanishi lozim bo‘lgan pulli kompensatsiyaning miqdori O‘zbekiston Respublikasi Markaziy banki qayta moliyalash stavkasining o‘n foizi miqdorida belgilanadi.
❗️Bu masalada siz fuqarolik sudiga ish haqi undirish haqida da’vo qilishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati