3 yoshga to‘lmagan bolasi bor pedagoglar kasbiy sertifikat imtihonidan ozod etiladimi?
@Yurist_Xizmati 5254-savol:
Assalomu alaykum sizga savolim bor edi men o‘tkan yili ishga kirdim va maydagi kasbiy sertifikat imtihonidan o‘ta olmadim men eshitdim 3 yoshga to‘lmagan bolasi bo‘lsa kasbiy sertifikat imtihoniga keyin topshirmaydi deb hozirda meni 2 yashar o‘g‘lim bor men nima qilishim kerak endi kasbiy sertifikat imtihonidan ro‘yxatdan o‘tishim kerakmi yo o‘tmaymanmi javob uchun oldindan raxmat
YURIST JAVOBI:
Vazirlar Mahkamasining 2024-yil 2-fevraldagi 87-son qaroriga ilovada tasdiqlangan Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy Reglamenti 10-bandiga ko‘ra quyidagilar kasbiy sertifikatlashdan ma’lum muddatga ozod qilinadi:
✅Homilador ayollar, homiladorlik yoki tug‘ish ta’tilida bo‘lgan ayollar, ular ta’tilda bo‘lgan davrda hamda ishga chiqqanidan keyin bir yil davomida;
✅pedagogik faoliyat bilan shug‘ullanayotgan uch yoshgacha bolalari bor ayollar (farzandi uch yoshga to‘lgunga qadar);
✅uzoq (uch oydan ortiq vaqt mobaynida) davolanayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;
✅uch oy va undan uzoq muddatga respublika hamda chet el davlatiga o‘qishga, qayta tayyorlash va malaka oshirish kursiga yuborilgan pedagog kadrlar, ular ishga chiqqanidan so‘ng olti oy davomida.
❗️Mana shu qoidaga ko‘ra siz ham farzandingiz 3 yoshga to‘lguncha ushbu imtiyozdan foydalanishga haqlisiz.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati