Kelinga zulm va tazyiq o‘tkazilganda, o‘zini himoya qilishi uchun himoya orderi beriladi
@Yurist_Xizmati 5181-savol:
Assalom alekom erimni uyida yashiman 3ta farzandim bor prapiskamam ushatta uyimizda ko‘p janjalla bo‘ladi manga qaynisingil qaynonam ko‘p jarohat yetkazishadi uydan haydashadi qanday qilib qonunan o‘zimi himoya qilishim mumkun manga himoya orderi berish mumkunmi? ulani mani uydan haydashga haqqiligi bormi?
YURIST JAVOBI:
Vazirlar Mahkamasining 2020-yil 4-yanvardagi 3-son qarori bilan jabrlangan ayollarga ichki ishlar organlari tomonidan himoya orderi berish, shuningdek, zo‘ravonlik sodir etgan shaxslarga uning nusxasini taqdim etish tartibi belgilandi.
♂️ Bunda Himoya orderi zo‘rlovchi va jabrlanuvchi o‘rtasidagi aloqani va bir xonada bo‘lishni taqiqlashni nazarda tutadi.
Yuqoridagi nizom 5-bandiga ko‘ra quyidagilar himoya orderini berish uchun asos hisoblanadi:
tazyiq va zo‘ravonlik qurbonining murojaati;
jismoniy yoki yuridik shaxslarning xabarlari, shu jumladan, ommaviy axborot vositalari va (yoki) ijtimoiy tarmoqlar orqali tarqalgan xabarlar;
tazyiq yoki zo‘ravonlik sodir etish yoxud ularni sodir etishga urinish holatlarining vakolatli organlar va tashkilotlar xodimlari tomonidan bevosita aniqlanishi;
davlat organlaridan va boshqa tashkilotlardan olingan materiallar.
Endi qarang! ichki ishlar organlarining navbatchilik qismida belgilangan tartibda qayd etilgan murojaatlar va xabarlar darhol profilaktika inspektoriga taqdim etiladi.
Profilaktika inspektori ichki ishlar organlari navbatchilik qismlari tomonidan taqdim etilgan murojaatlar va xabarlarni 24 soat mobaynida o‘rganib chiqadi hamda o‘rganish davomida:
⏺jabrlanuvchi va zo‘ravonlik sodir etgan shaxslar hamda boshqa shaxslar bilan holat yuzasidan suhbat o‘tkazadi;
⏺jabrlanuvchi va zo‘ravonlik sodir etgan shaxsning turmush tarzi, tazyiq va zo‘ravonlik sodir etilishining kelib chiqishi sabablari va shart-sharoitlarini o‘rganadi;
⏺jabrlanuvchi va zo‘ravonlik sodir etgan shaxslarni ijtimoiy reabilitatsiya qilish va ijtimoiy moslashtirish chora-tadbirlarini amalga oshiradi.
Profilaktika inspektori murojaat va xabarlarni o‘rganish yakuni bo‘yicha tazyiq va zo‘ravonlik holatlari aniqlangan taqdirda — himoya orderini rasmiylashtiradi.
Ushbu Himoya orderi 30 kun muddatgacha beriladi va ushbu order rasmiylashtirilgan paytdan e’tiboran kuchga kiradi.
Ushbu tazyiqlar uchun himoya orderini berishni so‘rab hududingizdagi ichki ishlar organlarining tayanch punkti profilaktika (katta) inspektoriga murojaat etishingiz zarur.
Ushbu orderni berish tartibi Vazirlar mahkamasining 04.01.2020 yildagi 3-son qarori bilan belgilangan. Shundan so‘ng 24 soat ichida sizga ushbu order beriladi. Yuqoridagi qarorning 3-bobi 18-bandida nazarda tutilgan cheklovlarni qo‘llashadi.
✅ Yuqoridagilardan kelib chiqib, siz dastlab profilaktika inspektoriga himoya orderini berishni so‘rab murojaat qilishingiz, keyin esa uy-joydan mahrum qilganlik uchun fuqarolik sudiga da’vo arizasi bilan murojaat qilishingiz kerak.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati