Maktab va bog‘chalarni xohlagan vaqt kelib tekshirish mumkinmi?
@Yurist_Xizmati 5115-savol:
Assolomu alaykum savolim shunday Maktab va maktabgacha talimi bulimlari xodimlari yani Tuman bulimlari xodimlari buyruksiz xoxlagan vakt bogchalarni yoki maktablarni tekshirishga xakki bormi. Shu savolni yullasak MMTbulimi boshligiga yani tuman bulimi Mudiriga buyruk shart emas xoxlagan vaktimiz kiramiz bu kunlik malumotimiz kiradi dedi. Bazida bulim xodimlari bogchalarga kirib Mudirni chakirmasdan kozonlarni kurishadi. Shunga anikrok javob bersalaring
YURIST JAVOBI:
Vazirlar Mahkamasining 2019-yil 25-apreldagi 352-son qaroriga 2-ilovada tasdiqlangan «Umumta’lim muassasalari faoliyatini tekshirish tartibi» to‘g‘risidagi Nizom 7-bandiga asosan tekshirish quyidagi shakllarda amalga oshiriladi:
rejali tekshirish;
rejadan tashqari tekshirish;
nazorat tartibida tekshirish.
Ushbu nizomning 9-bandi qoidalari mazmuni shundan dalolat beradiki, umumta’lim maktablari faoliyatini rejali tekshirish 1 yilda bir marta o‘tkazilishi mumkin.
✅ Faqat yangi tashkil etilgan maktablardagi bunday tekshiruv dastlabki 2 yil davomida o‘tkazilmaydi. Bu nizom 11-bandida belgilangan.
♂️ Demak, sizlardagi holatda ushbu organ maktabda rejali tekshiruv o‘tkazishi mumkin.
Biroq bunda bir qator qoidalarga rioya qilishi kerak.
1️⃣Birinchisi, tekshiruv muddati 10 kundan oshmasligi kerak.
2️⃣Ikkinchidan, rejali tekshirish o‘tkazilishidan kamida 10 kun oldin tegishliligi bo‘yicha tizimida umumta’lim muassasasi bo‘lgan vazirliklar va idoralar hamda ularning hududiy bo‘linmalariga tekshirish o‘tkazish to‘g‘risidagi buyruq, tekshirish dasturi yoki savolnomasi ilova qilingan rasmiy xat yuboriladi.
3️⃣Uchinchidan, tekshirishga vakolatli organ tomonidan tekshirish o‘tkazish to‘g‘risida buyruq qabul qilinadi. Bunda mazkur buryuqda tekshiriladigan umumta’lim muassasasi nomi, tekshirishning maqsadi, tekshiruvchi mansabdor shaxslar tarkibi, tekshiriladigan davr, tekshirish o‘tkazish muddati va tekshirish o‘tkazish uchun asos bo‘lgan hujjatning nomi, raqami va sanasi ko‘rsatiladi hamda tekshirish dasturi yoki savolnomasi ilova qilinadi.
4️⃣To‘rtinchidan, tekshirish o‘tkazish uchun asos bo‘lgan hujjatlar nusxasi tekshirilayotgan umumta’lim muassasasiga tilxat olingan holda topshirilgan payt tekshirishni o‘tkazish boshlangan payt hisoblanadi.
Bunda maktab nizom 42-bandida belgilangan huquqlariga ega bo‘ladi.
✅Siz ushbu huquqlaringiz bilan quyidagi havola orqali tanishib chiqishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati