❓Bel va umurtqa pog‘onasi bo‘g‘imlaridagi og‘riqni turli mashqlar yoki tabiiy mahsulotlar yordamida davolash mumkinmi?
✅ Og‘riq organizmning ogohlantiruvchi signali hisoblanadi. Organizm o‘zida kechayotgan o‘zgarishlarni og‘riq orqali bildiradi. Ya’ni og‘riq bor sohada turli yallig‘lanish jarayonlari yoki jarohatlar, o‘zgarishlar yuzaga kelishi mumkin.
☑️ Belda va umurtqa pog‘onasida og‘riqlar vaqtida uy sharoitida mashqlar bajarish yuklama ortishiga va umurtqa pog‘onasining yanada zo‘riqishiga sabab bo‘ladi. Bu esa xavfli bo‘lib, og‘ir asoratlarga olib kelishi mumkin.
Bel sohasidagi og‘riqlarga mushak yoki nerv tolalarining yallig‘lanishi, umurtqa pog‘onasi churralari, buyrak va buyrak usti bezlari kasalliklari sabab bo‘ladi. Shu sababli, bunda birinchi navbatda shifokorga murojaat qilish va og‘riqni keltirib chiqaruvchi sababni aniqlash lozim. Aniq tashxis qo‘yilgandan keyin shifokor bilan maslahatlashgan holda, kasallikning o‘tkir davri o‘tgach, turli mashqlarni bajarish mumkin