Nogironligi bor chet ellik fuqarolar yer va mol-mulk solig‘idan ozod qilinadimi?
@Yurist_Xizmati 5101-savol:
Özbekistonda yer va mol-mulki bölgan nogironligi bor chet ellik fuqarolari yer soliğidan ozod Ozod qilinadimi? Masalan men chet el fuqarosiman Özbekistonda doimiy röyhatga kiritilganman, chet el fuqarosi sifatida ID- karram bor.
2024 yilda 3-4 oy bulganman. Mening Özbekistonda yer va uy mol-mulkim va chet elning nogironlik guvohnomasi ham bor.
Men shu yer va uy-joyimning soliğidan ozod qilamanmi?
Buning uchun qaysi idoraga murojaat qilish kerak?
YURIST JAVOBI:
Qarang! Soliq kodeksining 30-moddasi birinchi qismida O‘zbekiston Respublikasining fuqarolari, chet davlatlarning fuqarolari, shuningdek fuqaroligi bo‘lmagan shaxslar jismoniy shaxslar ekanligi belgilangan.
Shuningdek, ushbu normaning ikkinchi qismiga ko‘ra tegishli maqomi o‘ziga nisbatan belgilangan soliq davri boshlanadigan yoki tugaydigan har qanday ketma-ket o‘n ikki oylik davr davomida jami bir yuz sakson uch kalendar kundan ko‘proq O‘zbekiston Respublikasida haqiqatda bo‘lgan jismoniy shaxslar O‘zbekiston Respublikasining soliq rezidentlari deb e’tirof etiladi.
E’tibor bering! SK 433-moddasida mulk huquqi, egalik qilish, foydalanish yoki ijara huquqlari asosida yer uchastkalariga ega bo‘lgan jismoniy shaxslar, shuningdek yuridik shaxs tashkil etgan yoki etmagan holdagi dehqon xo‘jaliklari jismoniy shaxslardan olinadigan yer solig‘ini soliq to‘lovchilari deb e’tirof etilishi belgilangan.
Ko‘ryapsizmi, qonun chiqaruvchi yer solig‘i to‘lovchisi sifatida jismoiy shaxslarni ko‘rsatmoqda. Shunday ekan, bu soliq bo‘yicha imtiyoz jismoniy shaxslarga qo‘llanilishi belgilangan.
✅Soliq kodeksining 436-moddasiga asosan I va II guruh nogironligi bo‘lgan shaxslar jismoniy shaxslardan olinadigan yer solig‘ini to‘lashdan ozod qilinadi. Mazkur imtiyoz pensiya guvohnomasi yoki tibbiy-ijtimoiy ekspert komissiyasining ma’lumotnomasi asosida beriladi.
Ushbu moddaning ikkinchi qismida yakka tartibdagi uy-joy qurilishi, dehqon xo‘jaligini yuritish uchun berilgan yer uchastkalariga bo‘lgan huquqlarni davlat ro‘yxatidan o‘tkazishni amalga oshiruvchi organda ro‘yxatdan o‘tkazgan jismoniy shaxslarga berilishi qayd etilgan. Shunga ko‘ra sizdagi holatda yer uchastkasiga bo‘lgan huquq ro‘yxatdan o‘tkazilgan bo‘lsa, qo‘llaniladi.
Mol-mulk solig‘iga kelsak, Soliq kodeksining 421-moddasida jismoniy shaxslarga mol-mulk solig‘i bo‘yicha imtiyoz berilgan. Uning ikkinchiga ko‘ra I va II guruh nogironligi bo‘lgan shaxslarning mulkida bo‘lgan mol-mulk oltmish kvadrat metr doirasida soliq solishdan ozod qilinadi.
Bunda mazkur imtiyoz pensiya guvohnomasi yoki tibbiy-mehnat ekspert komissiyasining ma’lumotnomasi asosida beriladi.
☝️E’tibor bergan bo‘lsangiz, bu yerda soliq imtiyozi nogironligi bo‘lgan shaxslarga va bunda imtiyoz to‘liq emas, qisman ya’ni mol-mulkning 60 kv metri uchun beriladi.
Ushbu kodeks 436-moddasiga ko‘ra I va II guruh nogironligi bo‘lgan shaxslarga yer solig‘idan ozod qilingan.
✅ Demak, siz ham ushbu imtiyozlardan foydalanishga haqlisiz.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati