SUD OILANI MUDDAT BЕRMASDAN XAM AJRATISHI MUMKINMI ?
⚡️ SAVOL:
Men turmush o‘rtog‘im bilan juda jiddiy sabablarga ko‘ra ajralish uchun sudga murojaat qilmoqchiman. Eshitishim bo‘yicha sud oilani bittada ajratmas ekan, ya’ni oilani yarashishi uchun muddat berar ekan. Savol shuki, sud muddat bermasdan xam oilani ajratishi mumkinmi ?
⚡️ JAVOB:
Albatta, sud muddat bermasdan xam oilani ajratishi mumkin. Oila kodeksining 40-moddasida, sud er-xotinga yarashish uchun olti oygacha muhlat tayinlashga HAQLI ekanligi ko‘rsatilgan.
✏️ Sud nikohdan ajratishni so‘rab murojaat qilganlarga ularni yarashib ketishi uchun 6 oygacha muddat berishga HAQLI, majbur emas! Ya’ni, olti oygacha muddat berish bu sudning xohishi degani bu. Sud bu muddatni bermasdan turib xam bir martada oilani ajratib yuborishi mumkin.
✏️ Lekin, hozirgi kungi amaliyotda sudlar aksariyat hollarda bunday muddatni berishmoqda va buni to‘g‘ri amaliyot desa xam bo‘ladi. Chunki xamma xam Sizchalik jiddiy sabablar bilan ajralish uchun sudga murojaat qilavermaydi. Ayrimlar borki, ular shunchaki shaxsiyat masalasi, oilada kuzatilishi mumkin bo‘lgan arzimas sabablar bilan xam ajralish uchun ariza berayotgan holatlar kam emas. Meni hali dadam bunday chaqirmagan deb sudga ariza ko‘tarib borayotganlar xam bor. Lekin, agar Sizni holatingizda masala juda jiddiy bo‘lsa va bu jiddiylik sud tomonidan tasdiqlansa, sud Sizlarni bir martada xam ajratishi mumkin.
✏️ Sudga borganingizda xam jiddiy sababingizni aniq dalil va isbotlar bilan keltirib berishingiz kerak. Sud Siz keltirgan faktlarni darajasiga tayanib, Oila kodeksining 41-moddasi bo‘yicha Sizlarni nikohdan bir martada ajratish kerak yoki kerak emasligini hal etadi. Sudga borganda "O‘rtoq sudya masala jiddiy. Aytsam Siz xam uyalib ketasiz. Shuning uchun yaxshisi bittada ajrating tamom" deb o‘tirmang! Sud hech narsadan uyalmaydi..