Gaz uchun 1 yillik to‘lovni oldindan to‘lab qo‘yganda, narx oshishi ta’sir qilmaydimi?
@Yurist_Xizmati 5075-savol:
Assalomu aleykum, men gaz buyicha 2024 yil tulovni bir yillik kilib oldindan yanvar oyida amalga oshirgan edim. Kecha gaz taminotiga borib 2025 yil tulovini amalga oshirmokchi buldim, Lekin inspektor menga 2024 yil may oyida gaz narxi oshirganligi sababli, siz 2024 yil may oyidan boshlab doplata kilasiz deyapti. Shu tugrimi, men axir bir yillik tulovni oldindan amalga oshirganmanku?! Shu masalada yordamingiz kerak. (Malumot uchun, men odam soni buyicha tulov kilaman, schetchik menda yuk.)
YURIST JAVOBI:
Vazirlar Mahkamasining 2024-yil 31-maydagi 319-son qaroriga 2-ilovada tasdiqlangan Tabiiy gazdan foydalanish Qoidalari 110-bandiga ko‘ra tariflar o‘zgargan hollarda, tabiiy gaz hajmi uchun avans tariqasida to‘lovni amalga oshirgan iste’molchi ikki oydan ortiq bo‘lmagan muddatga qo‘shimcha to‘lovlarni amalga oshirishdan (ushbu davr mobaynida avans to‘loviga teng miqdordagi gaz hajmidan ortiq iste’mol qilmagan hollarda) ozod qilinadi.
☝️Mana shu qoidaga ko‘ra Agar siz tabiiy gaz uchun oldindan to‘lov (avans) qilib qo‘ygan bo‘lsangiz va shu orada tariflar o‘zgarib qolsa, quyidagi qoida amal qiladi:
➡️ Siz oldindan to‘lagan pullaringizga mos keladigan gaz miqdoridan ortiq ishlatmagan bo‘lsangiz;
➡️ Ikki oy davomida;
➡️ O‘zgargan narxga ko‘ra qo‘shimcha to‘lov qilishingiz shart emas.
♂️ Aytaylik, siz 100,000 so‘m avans to‘ladingiz va bu 10 kub metr gazga teng edi. Keyin tarif oshdi va endi 10 kub metr gaz 120,000 so‘m bo‘lib qoldi. Agar siz ikki oy davomida 10 kub metrdan ko‘p gaz ishlatmasangiz, qo‘shimcha 20,000 so‘m to‘lashingiz shart emas. Avans to‘lovingiz 10 kub metr gaz uchun yetarli hisoblanadi.