XOTININI URGAN ERGA QANDAY JAVOBGARLIK BOR ?
⚡️SAVOL;
Erim ichib kelib juda ko‘p marta meni do‘pposlab uradi. Oxiri toqatim tugab uni ustidan arz qilmoqchiman. Agar arz qilsam unga shu qilmishi uchun qanday javobgarlik qo‘llanishi mumkin ?
⚡️JAVOB;
Ma’muriy javobgarlik to‘g‘risidagi kodeksning 59 prim 2-moddasiga asosan, xotinini (erini), sobiq xotinini (sobiq erini), bir ro‘zg‘or asosida birgalikda yashayotgan shaxsni yoki umumiy farzandga ega bo‘lgan shaxsni do‘pposlash, ushbu shaxslarga sog‘liqning qisqa muddatga yomonlashuviga yoki mehnat qobiliyatining uncha uzoq bo‘lmagan muddatga yo‘qolishiga olib kelmagan qasddan badanga yengil shikast yetkazish — bazaviy hisoblash miqdorining o‘n baravari (3 400 000 so‘m)dan yigirma baravari (6 800 000 so‘m)gacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi.
✏️ Demak, Siz eringizni ustidan u Sizni urganligi natijasida sog‘ligingizga yuqorida ko‘rsatilgani kabi shikast yetkazilganligi uchun arz qilsangiz sud tomonidan unga 15 sutkagacha ma’muriy qamoqqa olish chorasi yoki 3 400 000 so‘mdan 6 800 000 so‘mgacha jarima jazosi qo‘llanishi mumkin.