Ustamalar noto‘g‘ri to‘langani tufayli javobgarlik direktorning zimmasida bo‘ladimi?
@Yurist_Xizmati 5041-savol:
Notugri tulangan deb topilgan ustama derektor xisobidan tulanishi kanchalik tugri Ustamani rayona xam tekshirib oladi. Kamisiya 7 kishidan iborat bulib bitta derektorni ovozi xal kilmedi. Ustamani ukituvchini uzi oladiku. Yuridik maslaxat bersangiz. Javobingizni kuttb kolaman. Oldindan raxmat
YURIST JAVOBI:
Vazirlar Mahkamasining 2019 yil 30 sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”nizom 16-bandiga asosan umumta’lim muassasasi pedagog, psixolog va kutubxona xodimlarining bazaviy tarif stavkasiga har oylik ustama belgilash, xodimlarni mukofotlash va ularga moddiy yordam ko‘rsatishning to‘g‘ri, xolis va adolatli amalga oshirilishi uchun javobgarlik Ishchi guruh rahbari zimmasiga yuklatiladi.
☝️E’tibor bergan bo‘lsangiz, ustamaning to‘g‘ri to‘lanishi uchun Ishchi guruh rahbari javobgar ekanligi qayd etilgan.
♂️ Bunda nizomning 10-bandiga muvofiq ishchi guruh rahbari – direktor hisoblanadi.
❗️Shunga ko‘ra, ustamalar noto‘g‘ri to‘langanligi tufayli javobgarlik direktorning zimmasida hisoblanadi.