Pensioner shaxs gruppaga chiqsa pensiyasi ortadimi?
@Yurist_Xizmati 5027-savol:
Assalomu alaykum Dadamlar 69 yosh nafaqada, lekin onkologik kasal bilan og‘rib davolanib yuradilar etabma etab, tumandagi kasalxonaga ro‘yxatda turdilar, shunga gurpaga chiqsa bo‘ladimi? Gurpaga chiqqanda ham nafaqasini oladimi? gruppani nafaqasini ham oladimi yo bittasini oladimi?
YURIST JAVOBI:
Fuqarolarning davlat pensiya ta’minoti to‘g‘risidagi qonun 2-moddasiga ko‘ra davlat pensiyalarining quyidagi turlari belgilanadi:
⚫️yoshga doir pensiya;
⚫️nogironlik pensiyasi;
⚫️boquvchisini yo‘qotganlik pensiyasi.
❗️Bunda qonun 4-moddasiga ko‘ra davlat pensiyalarining turli xillarini olish huquqiga ega bo‘lgan fuqarolarga ularning o‘zlari tanlagan bitta pensiya tayinlanadi.
✅ Shunga ko‘ra otangiz nogironligi bo‘lgan shaxs deb topilsa, unda nogironlik pensiyasini olish huquqi ham paydo bo‘ladi.
Ushbu pensiya ham ish stajiga qarab tayinlanadi. Qonunning 17-moddasiga ko‘ra mehnatda mayiblanganda yoki kasb kasalligiga uchraganda beriladigan nogironlik pensiyalari ish stajidan qat’i nazar, tayinlanadi.
Shuningdek, umumiy kasallik tufayli beriladigan nogironlik pensiyalari nogironlik boshlangan paytga qadar 56 yosh va undan oshganda 20 yil ish stajiga ega bo‘lgan taqdirda tayinlanadi.
Endi qarang! Vazirlar Mahkamasining 2022-yil 8-fevraldagi 62-son qaroriga 9-ilovada tasdiqlangan Fuqarolarni tibbiy-ijtimoiy ekspert komissiyalarida ko‘rikdan o‘tkazish tartibi to‘g‘risidagi Nizom ilovasida 18 yosh va undan katta yoshdagi shaxslarda nogironlikka olib keluvchi asosiy kasalliklar ro‘yxati va ushbu kasalliklarda nogironlikni belgilash mezonlari belgilangan.
Ushbu ro‘yxatning 2.13-bandida onkologik kasalliklarda nogironlikni belgilashda hayot faoliyati cheklanishini aniqlash mezonlari keltirilgan. Agar otangizning kasalligi ham ushbu ro‘yxatda mavjud bo‘lsa, unga nogironlik guruhi belgilanishi mumkin.