AVTOMOBIL RAQAMI YECHIB OLINADIMI?
Ruxsatnomasiz avtomobilimni qayta jihozladim. GAI avtomobil raqamini yechib oldi. Lekin men o‘sha vaqtni o‘zida kamchilikni bartaraf etdim. Biroq avtomobil raqamini yechib oldi. Bunga haqqi bormi?
JAVOB:
Yo‘q, bunga haqqi yo‘q. Tushuntiraman.
Harakatlanish jarayonida to‘xtatilgan transport vositalarining davlat ro‘yxatidan o‘tkazish raqami belgilari faqat ushbu transport vositalari ruxsatnomasiz qayta jihozlanganligi yoki belgilangan muddatlarda texnik ko‘rikdan o‘tmaganligi holatlarida yechib olinadi.
Diqqat qiling! Texnik nosoz yoki ruxsatnomasiz qayta jihozlangan transport vositasining haydovchisi (mulkdor, mulkdorning vakili) tomonidan ushbu kamchiliklar joyida bartaraf etilishi mumkin. Bunda transport vositasining davlat ro‘yxatidan o‘tkazish raqami belgilari yechib olinmaydi.
Demak, siz kamchilikni joyida bartaraf etgan bo‘lsangiz transport vositangizni davlat ro‘yxatidan o‘tkazish raqami belgisi yechib olinmasligi kerak edi.
Asos: Ichki ishlar vazirining 53-son buyrug‘i