Men uyimda turli xildagi meva-sabzavot mahsulotlarini yetishtiraman. Ushbu yetishtirayotgan mahsulotlarimni eksportyor korxonalarga sotsam, olgan daromadimdan soliq to‘laymanmi
Uy xo‘jaligida, shu jumladan dehqon xo‘jaligida yetishtirilgan mahsulotlarni tabiiy va qayta ishlangan holda sotishdan olinadigan daromadlar jismoniy shaxslardan olinadigan daromad solig‘idan ozod etilgan.
*manzarali bog‘dorchilik (gulchilik) mahsulotlari bundan mustasno
Soliq kodeksi 378-modda 8-qism
Shuningdek, eksportyor korxonalar meva-sabzavot mahsulotlarini keyinchalik eksport qilish uchun jismoniy shaxslardan sotib olganda, JSHODS bo‘yicha imtiyozlar jismoniy shaxslar tomonidan sotilgan mahsulotlar ularga yoki ularning oila a’zolariga ajratilgan yer uchastkalarida yetishtirilganini tasdiqlovchi hujjat taqdim etilmasdan qo‘llanilishi belgilangan.
Shunga muvofiq, Siz olgan daromadingizdan jismoniy shaxslardan olinadigan daromad solig‘i to‘lamaysiz.
*ushbu dehqonchilik mahsulotlarini boshqa shaxslardan xarid qilib uni keyinchalik boshqa shaxslarga qayta sotish holatlari bundan mustasno
“Meva-sabzavot mahsulotlarini eksport qilish tartibi to‘g‘risida”gi nizomning 7-bandi