Maktablarda "qizil shahodatnoma"ni harajati bor deb, pullik deyilishi to‘g‘rimi?
@Yurist_Xizmati 4673-savol:
Assalomu alaykum maktabda ukuv ishlari buyicha direktor urinbosari shaxsiy adovati sabab ukuvchini 9 yillik mexnatini zoye ketkazib imtiyozli shaxodatnomadan maxrum kilishi berdirmasligi mumkinmi, imtiyozli shaxodatnoma u.n xarajati bor deb sabab kursatishi chi mumkinmi
YURIST JAVOBI:
Umumiy o‘rta ta’lim oluvchilarning yakuniy davlat attestatsiyasi to‘g‘risidagi Nizom (20.03.2008 yilda ro‘yxatdan o‘tgan, ro‘yxat raqami 1778) 24-bandiga ko‘ra Maktabni “a’lo” darajali shahodatnoma bilan bitirishga da’vogarlik qilayotgan bitiruvchilarning yozma ishlarini imtihon komissiyasi a’zolari yakuniy attestatsiya yakunlangan kun davomida tekshirib, baholaydilar.
Mazkur nizomda imtiyozli “qizil” shahodatnoma pulli ekanligi haqida hech qanday qoida belgilanmagan.
❗️Shuningdek, Vazirlar Mahkamasining 2023-yil 31-yanvardagi 44-son qaroriga 4-ilovada tasdiqlangan Umumiy o‘rta ta’lim to‘g‘risidagi elektron shahodatnomalarni berish tartibi haqidagi Nizom 20-bandiga asosan bitiruvchilar shahodatnomani elektron platformadan shaxsini tasdiqlovchi hujjatlar to‘g‘risidagi ma’lumotlarni (ID-karta, pasport yoki tug‘ilganlik to‘g‘risidagi guvohnoma seriyasi va raqami) kiritish orqali bepul yuklab oladi.
❌ Shunga ko‘ra sizlardagi holatda qizil shahodatnoma uchun pul olish mumkin emas. Bu vaziyatda tuman prokuraturasiga shikoyat qilishingiz lozim.
telegram kanal - yurist xizmati