Coca-Cola tarkibida kamida 6 xil turdagi plastik aniqlandi.
Fransiyaning «Agir pour l'Environnement» tashkiloti Coca-Cola va Schweppes ichimliklarida tadqiqot o‘tkazdi. Ular plastik baklajka qopqog‘ini qanchalik ko‘p ochib-yopsa, uning ichiga shunchalik ko‘p mikroplastik tushishini aniqladi.
«Taxminan 20 marta ochilganidan keyin bir litr Cola ichida 46 tagacha mikroplastik bo‘laklari topilgan. Bundan tashqari, nanozarrachalar ham aniqlangan, ularning inson to‘qimalari bilan reaksiyaga kirishishi ehtimoli yuqori», deyiladi tadqiqotda.