Ayolni o‘g‘rilab qochganlarga qanday javobgarlik bor?
@Yurist_Xizmati 4620-savol:
Savolim quyidagicha: Qizim turmushga chiqqandi bitta farzandi ham bor eri rasman ajrashmasdan turib qiz olib qochgan bunga qanday chora ko‘riladi?
YURIST JAVOBI:
❗️Bu vaziyatda olib qochilgan qiz yoki uning oila a’zolari tuman prokuraturasiga yoki IIBga shikoyat qilsa, unga nisbatan jinoiy ish ochilishi mumkin.
Qarang! Jinoyat kodeksining 136-moddasiga ko‘ra Ayolni erga tegishga yoki nikohda yashashni davom ettirishga majbur qilish yoxud ayolning erkiga xilof ravishda u bilan nikohda bo‘lish uchun o‘g‘rilash, shuningdek, ayolning erga tegishiga to‘sqinlik qilish
bazaviy hisoblash miqdorining 25 baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.