"PRAVA" DAN MAHRUM ETILGAN QAYTA IMTIHON TOPSHIRADIMI?
Vazirlar Mahkamasining 2018 yil 31 maydagi 408-sonli qarori 2-ILOVAsi bilan tasdiqlangan Nizomning 37-bandiga ko‘ra haydovchilarni avtomototransport vositalarini boshqarish huquqidan mahrum qilish to‘g‘risidagi qaror qonunchilikda belgilangan tartibda qabul qilinadi.
Avtomototransport vositalarini mast holda boshqarganligi uchun boshqarish huquqidan mahrum qilingan shaxslar, milliy haydovchilik guvohnomasini qaytarib olish uchun, mahrum qilish muddatidan qat’i nazar, ma’muriy jazo muddati nihoyasiga yetgach, majburiy tibbiy ko‘rikdan o‘tishlari, nazariy hamda amaliy imtihonlar topshirgunigacha malaka oshirishlari shart.
E’tibor bering! Vazirlar Mahkamasining 2018 yil 31 maydagi 408-sonli qarori 3-ILOVAsi bilan tasdiqlangan Nizomning 20-bandiga muvofiq avtotransport vositasini boshqarish huquqidan mahrum qilingan shaxslar ma’muriy jazo ijro etilganidan keyin va haydovchilik guvohnomasini olish uchun nazariy va amaliy imtihon topshirishidan oldin malaka oshirishlari shart.