Nogironlikni belgilash tizimini takomillashtirish bo‘yicha Prezident qarori qabul qilindi
Endi nogironlikni belgilashda shaxslarning funksionalligini baholash tartibi joriy etiladi
Hujjat bilan, 2024-yil 1-sentyabrdan boshlab:
Dastlab, Toshkent shahri va Navoiy viloyatining tuman va shaharlarida bosqichma-bosqich eksperiment tariqasida, 2025-yil 1-sentyabrga qadar respublikaning qolgan hududlarida my.gov.uz, “Inson” markazlari yoki ijtimoiy xodimlar orqali oilaviy shifokorlarga murojaat qilish imkoniyati yaratiladi;
tibbiy-ijtimoiy ekspertiza komissiyasi ko‘rigi uchun fuqarolarning tibbiy hujjatlarini yo‘llash oilaviy shifokorlar tomonidan elektron tarzda amalga oshiriladi;
“Inson” markazlari xodimlari tomonidan JSS nogironlikni baholash shkalasining mahalliy xususiyatlar va shart-sharoitlarga moslashtirilgan mezonlari asosida 18 yosh va undan katta shaxslarning funksionalligini baholash tartibi joriy etiladi.
Bunda baholash natijalari 2025-yil 1-sentyabrga qadar nogironlikni belgilash uchun asos hisoblanmaydi.
⚠️ Agar nogironlik belgilanishi kerak bo‘lgan shaxs “Inson” markazlariga bora olmasa, baholash shaxsning uyida yoki davolanishda bo‘lgan statsionarda o‘tkaziladi.