TO‘Y TЕZLASHIB KЕTTI, LЕKIN NIKOH GUVOHNOMASINI OLGANIMIZ YO‘Q..
⚡️SAVOL;
30 iyulga to‘y kunimiz belgilangan edi. Kelinning yaqin qarindoshlaridan biri og‘ir kasalligi sababli ular to‘yni yaqin kunlarda o‘tkazib yuboraylik deyishyapti. Shu kanalda qonuniy nikoh guvohnomasi bo‘lmaganlarga shar’iy nikoh xam o‘qilmaydi degan xabarni o‘qigan edim va FHDYO bo‘limlaridan nikoh guvohnomasini bir oy bo‘lmasidan olish mumkin deb xam yozgan ekansizlar. Bizni ariza tashlaganimizga endi 17 kun bo‘ldi. Savolim shuki, bizni holatimizda nikoh guvohnomasini tezroq olishimiz uchun qanday yo‘l tutsak bo‘ladi ?
⚡️JAVOB;
Oila kodeksining 13-moddasining uchinchi qismida, nikoh tuzish nikohlanuvchilarning fuqarolik holati dalolatnomalarini qayd etish organlariga ariza berganlaridan keyin bir oy o‘tgach, shaxsan ularning ishtirokida amalga oshiriladi deb ko‘rsatilgan.
➖Ushbu moddaning 4-qismida esa, uzrli sabablar bo‘lganda fuqarolik holati dalolatnomalarini qayd etish organi bir oy o‘tgunga qadar xam nikoh tuzishga ruxsat berishi mumkinligi keltirilgan.
➖Undan keyingi qismda, alohida hollar (homiladorlik, bola tug‘ilishi, bir tarafning kasalligi va boshqalar)da nikoh ariza berilgan kuni tuzilishi mumkinligi nazarda tutilgan.
✏️Demak, yuqorida keltirilgan asoslarga ko‘ra nikoh tuzilganligi haqidagi guvohnomani ariza berilganidan keyin bir oy to‘liq o‘tmasdan xam olish mumkin. Faqat ozgina rasmiyatchiligi bor! Sizni holatingizda o‘sha kelin tarafdagi yaqin qarindoshning haqiqatda kasalligini FHDYO bo‘limiga isbotlab berish kerak bo‘ladi. Buning uchun o‘sha shaxsni kasalligini tasdiqlaydigan birorta tibbiy ma’lumotnoma olib kelib FHDYO bo‘limiga taqdim qilishingiz kerak va masala hal. Boshqa uzirli sabablar bo‘lganda xam tartib shunday, ya’ni o‘sha sababni tasdiqlaydigan xujjat bilan ishni muddatidan oldin bitirish mumkin.