Internet firibgarlarining tuzog‘iga tushmaslik uchun foydali tavsiyalar
Fishing turlari ko‘payib borayotgan bir paytda, davlat xizmatchilari akkauntlarining xavfsizligini saqlash muhim sanaladi. Bilimsizlik nafaqat moddiy-ma’naviy balki kasbiy zarar keltirishi mumkin.
TЕLЕGRAMDA HЕCh QACHON KIRMANG:
1. Soxta botlar yoki akkauntlar:
Xakerlar shaxsiy yoki maxfiy ma’lumotlaringizni olish uchun rasmiy bo‘lib ko‘ringan soxta botlar, yoki akkauntlarni sizga yuborishi mumkin.
2. Soxta tanlovlar yoki lotereyalar:
Firibgarlar soxta tanlov yoki lotereyalar yaratishi mumkin. Ular sizga mukofotni olishda shaxsiy ma’lumotlarni kiritishingiz yoki xizmatlar uchun to‘lovlarni taklif qilishadi.
3. Pul yoki maxfiy ma’lumotlar so‘ralgan xabarlar:
Siz tanigan va tanimagan akkaunt egalaridan pul yoki maxfiy ma’lumotlarni berishingiz so‘ralgan xabarlar olishingiz mumkin, ammo bu akkaunt xakerlar ixtiyorida bo‘ladi.
4. Zararli havola orqali fishing:
Xakerlar qurilmangizga zararli dasturlarni o‘rnatish orqali shaxsiy ma’lumotlaringizni o‘g‘irlash uchun zararli havolalar bilan xabarlar yuborishi mumkin.
5. Ma’lumotlaringizni yangilash so‘ralgan xabarlar:
Firibgarlar sizga bank ma’lumotlaringiz yoki boshqa shaxsiy ma’lumotlarni yangilashingizni so‘rab, rasmiy xizmatlar sifatida ko‘rsatilgan xabarlarni yuborishi mumkin.
6. Akkauntni bloklash xabarlari:
Xakerlar shaxsiy ma’lumotlarni kiritib, shaxsingizni tasdiqlamasangiz, akkauntingizni bloklash bilan tahdid qilishlari mumkin.
7. Video xabarlar:
Telegramdagi video fishing yangi tur hisoblanib, tanish yoki notanish akkauntlardan turli qiziqarli videolarga zararli havolalar biriktirilib yuboriladi. Uni tomosha qilish yoki havolasini bosish zararli dasturni ishga tushiradi.
❕TUZOQQA TUSHISHNING ZARARI:
Files, Camera, Terminal, Screen, Location, Microphone, Calls, Masseges, Contacts, Keylogger, Archive folder va boshqa ma’lumotlardan erkin foydalanish imkoniyatini firibgarlarga beradi.
❗️ZARARDAN QUTILISH:
Siz xakerlar panjasiga tushganingizni sezgan zahotingiz, internetdan uzilib, qurilmangizdan muhim ma’lumotlaringizni olib, unda "proshivka" amalini bajaring.
Onlayn to‘lov xizmatlarining login, parolini, asosiy bank kartangizni yangilashingiz va asosiysi HMQOga murojaat qilishingiz tavsiya etiladi.
❗️Telegramda firibgarlik qurboni bo‘lib qolmaslik uchun ehtiyot va hushyor bo‘ling. Shuni esda tutingki, shubhali barcha kontentdan tiyiling, hatto u tanishingizdan kelgan bo‘lsa ham.
© O‘zbekiston Respublikasi Prezidenti huzuridagi Davlat boshqaruvi akademiyasi.