Soliqchilar "plan"iga yordam berishga majbur emassiz.
Deyarli har bir tadbirkor soliqchilarning bu oy "plan" chiqmay qoldi, yordam qilib turing degan buyruqnamo "iltimos"ini eshitgan. Ularni plani biror marta bajarilmagan. Chunki plan bajarolmaydigan qilib qo‘yiladi. Biz soliqlarni to‘lamang demoqchi emasmiz. Ko‘p tadbirkorlar soliqdan telefon qilib oldindan to‘lab turishini so‘rashsa, yo‘q desam boshimga balo orttiraman deb o‘ylaydi. Nega oborotdagi pulingizni aylantirish o‘rniga 15-20 kun oldin soliqqa o‘tkazib qo‘yasiz? Undan ko‘ra pulingizni maqsadli sarflang, soliqni ham o‘z vaqtida to‘lang. Soliqchilar telefon qilganda har xil yolg‘on bahonalar to‘qimasdan, reja qilgan to‘lovlarimiz bor, hozir to‘lamaymiz, lekin muddatidan kechikmay to‘laymiz deb javob bersa ham bo‘ladi. "Yuq, hozir to‘lamaymiz" degan javobni eshitsa, javobdan xayratga tushadigan, jaxli chiqadigan, bosim qiladigan soliqchilar ham bor. Avval bo‘lgandir balki, ayni paytda bir korxonaga soliqchilar o‘zicha nimalardir qilib zarar yetkazolmaydi. So‘rashganda oldindan to‘lab qo‘ysangiz ham sizga zarracha foydasi yo‘q. Qaytaga keyingi safar ham oldindan to‘lab berasiz.
Hurmatli tadbirkorlar, hech kimni sizdan soliqlarni oldindan to‘lashni talab qilishga haqqi yo‘q. Qo‘rqishni bas qilib, siz ham huquqingizdan foydalaning.