Tadbirkorni ”qiynagan” hokim va soliqchilar jazolanadi
Prezident barcha hokim va soliqchilarni qat’iy ogohlantirdi: tadbirkorga ortiqcha to‘lov qildirgan mas’ullar jazolanadi.
Bosh prokuraturaga bu masalani alohida nazoratga olish topshirildi.
Yil boshidan 67 ta tumanda tushum 1,5 karra oshdi. Masalan, Baxmal, Jalaquduq, Forish, Qo‘rg‘ontepa va Guliston tumanlarida o‘sish 2 baravar bo‘lgan.
Lekin Nukus, Oqdaryo, Qiziriq, Mingbuloq, Mirzo Ulug‘bek, Qibray, Toyloq tumanlari, Namangan va Zarafshon shaharlarida o‘sish sur’atlari qolgan hududlardan ancha orqada ekani, Shumanayda esa umuman o‘sish bo‘lmagani ko‘rsatib o‘tildi.