Yoshga doir, nogironlik va boquvchisini yo‘qotganlik nafaqalari miqdori qancha?
Joriy yilning iyul oyi holatiga:
⏺️Yoshga doir nafaqa 79 238 nafar;
⏺️Nogironlik nafaqasi 303 730 nafar;
⏺️Boquvchisini yo‘qotganlik nafaqasi 54 177 nafar shaxslarga tayinlangan.
↗️ Ushbu ko‘rsatkich joriy yilning iyun oyiga nisbatan 2 928 nafar (0,7%) ga oshgan. Bunda, agentlik tomonidan ko‘rsatilayotgan xizmatlarning maqsadli yo‘naltirilayotganligi hamda yoshga doir nafaqalarning tayinlanishi, nogironlik guruhlarining qayta baholanishi va boquvchisini yo‘qotganlik holatlari asos bo‘ladi.
Davlat nafaqasini tayinlash uchun zarur ish tajribasiga ega bo‘lmagan aholiga quyidagi tasnifda nafaqalar to‘lanadi.
Yoshga doir nafaqa ayollarga 60 yoshdan, erkaklarga 65 yoshdan bir oyda 648 000 ming so‘m nafaqa puli tayinlanadi.
Nogironlik nafaqasi:
1-guruh nogironlariga 893 000 ming so‘m;
2-guruh nogironlariga 800 000 ming so‘m miqdorida to‘lanadi.
Boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori — oyiga 648 000 ming so‘m va keyingi har bir mehnatga qobiliyatsiz oila a’zosi uchun — 212 000 ming so‘mdan qo‘shib nafaqa to‘lanadi;
Qo‘shimcha ma’lumotlarni 1140 qisqa raqamlari orqali yoki "Inson" ijtimoiy xizmatlar markazlaridan olishingiz mumkin.