TЕKSHIRUV XULOSASINI QANDAY BЕKOR QILDIRSA BO‘LADI?
SAVOL.
Saidali aka, assalom alaykum ichki ishlar organi xodimiga nisbatan o‘tkazilgan xizmat tekshiruvini bekor qilish kaysi vakolatli organlar tomonidan amalga oshiriladi. Fuqarolik sudi xizmat tekshiruvi bekor bo‘lmagan deb ishga tiklash bo‘yicha da’voni rad qilmoqda. Shu bo‘yicha tushuntirish bering iltimos.
JAVOB.
Hozir xizmat tekshiruvi o‘tkazgan tashkilotning bu ishini yuqori tashkiloti bekor qilmayapti, shu uchun, yuqori tashkilotiga murojaat qilganingiz befoyda deb o‘ylayman.
Mehnat kodeksining 306-moddasiga asosan xizmat tekshiruvi natijalari to‘g‘risidagi qarordan norozi bo‘lgan xodim yakka tartibdagi mehnat nizolari uchun belgilangan tartibda sudga shikoyat qilishga haqli.
Shunday ekan, eng yaxshisi, ichki ishlar bo‘ladimi, yoki boshqa tashkilotmi ular tomonidan o‘tkazilgan xizmat tekshiruv xulosasi va uni bekor qilish bo‘yicha fuqarolik sudlariga da’vo bilan chiqaverish kerak.